Konfrans Liqasının II təsnifat mərhələsinin “Sabah” – “Makkabi” (Hayfa, İsrail) oyununa bilet satışları davam edir.
Futbolinfo.az klubun mətbuat xidmətinə istinadən xəbər verir ki, artıq 7500 bilet satılıb.
Ümumilikdə 8000 biletin satışa çıxarıldığını nəzərə alsaq, cəmi 500 bilet qalıb. Biletləri “iticket.az” saytından, həmçinin “Bank Respublika Arena” stadionunun kassalarından, “iticket”in “28 Mall” və “Gənclik Mall”dakı satış məntəqələrindən əldə etmək olar.
Qeyd edək ki, bu gün keçiriləcək “Sabah” – “Makkabi” oyunu saat 20:00-da başlayacaq.