İcarə əsasında Avstriyanın “Zalsburq” komandasında çıxış edən “Liverpul”un ispaniyalı dayaq yarımmüdafiəçisi Stefan Bayçetiç mövsümün qalan hissəsini İspaniyanın “Betis” klubunda davam etdirəcək.
Futbolinfo.az xəbər verir ki, bu barədə “Dave OCKOP” məlumat yayıb.
Bayçetiç “Betis”də də icarə əsasında çıxış edəcək. Danışıqların aparıldığını insayder Fabritsio Romano təsdiqləyib.
Bayçetiçin ötən yay icarə əsasında “qırmızı öküzlər”ə keçməsinin səbəblərindən biri də “Liverpul”un sabiq çalışdırıcısı Yürgen Kloppun köməkçisi Pep Lindersin həmin kluba baş məşqçi təyin olunması olub.