11-14 may tarixlərində Almaniyanın Münhen şəhərində parataekvondo üzrə Avropa çempionatı keçiriləcək.
Futbolinfo.az xəbər verir ki, ölkəmizi turnirdə K44 kateqoriyası üzrə kişilər arasında Sabir Zeynalov (58 kq), Amin Əliyev (63 kq), Amin Şıxalıyev (63 kq), İmaməddin Xəlilov (70 kq) və Orxan Cəfərov (80 kq), qadınlar arasında isə Səmayə Həsənova (47 kq) təmsil edəcək.
Milli komandamızı yarışa baş məşqçi Fərid Tağızadə çıxaracaq.
