Dünya çempionatında Türkiyə millisini 2:0 hesabı ilə məğlub edən Avstraliyanın baş məşqçisi Toni Popoviç oyunun belə nəticələnməsinə görə çox sevindiyini bildirib.
Futbolinfo.az xəbər verir ki, Popoviç yığmanın oyununu belə qiymətləndirib:
“Heyətin işi və məşqçi skamyasında qəbul edilən doğru qərarlarla qürur duyuram. Mən onları istiqamətləndirməyə, oyunçuları dəstəkləməyə çalışdım və onlar özlərini mükəmməl göstəriblər.
Burada baş məşqçi kimi olmağımdan qürur duyuram”, – o vurğulayıb və komandanı dəstəkləyən azarkeşlərə təşəkkür edib.
