“Arsenal”ın müdafiəçisi Uilyam Saliba 2026-cı ilin dünya çempionatını onurğa sınığı ilə keçirib.
“RMC Sport”un xəbərinə görə, 25 yaşlı futbolçu iki ay əvvəl İngiltərə çempionatında ağır zədə alıb. Buna baxmayaraq, dünya çempionatında iştirak edib, ağrıkəsicilərdən istifadə edib və gündəlik xüsusi müalicə alıb.
Müdafiəçi Fransa yığmasının heç bir məşqində iştirak etməyib. Saliba turnirdə beş matç keçirib, İspaniya ilə yarımfinal görüşündə (0:2) 30-cu dəqiqədə zədələndiyinə görə əvəzlənib.
Futbolçunun hansı müddətə bərpa olunacağı hələ məlum deyil. O, iyulun 15-də, çərşənbə günü tibbi müayinədən keçib, lakin əməliyyata ehtiyac məsələsi açıq qalır. Zədənin uzun bərpa müddəti tələb edəcəyi gözlənilir.