Premyer-liqa
Qriqorçuk və Məmmədov üçün debüt
Topaz Premyer Liqasında qış fasiləsi yekunlaşmaq üzrədi. Ar…
Topaz Premyer Liqasında qış fasiləsi yekunlaşmaq üzrədi. Artıq 2 gündən sonra elitanın 19-cu turuna start veriləcək. “Araz Naxçıvan” çempionatın gedişində elitanı tərk etdiyi üçün “Qarabağ” bu turda istirahət edəcək. Həftənin açılış matçı paytaxtda baş tutacaq. Təlim-məşq toplanışı müddətində heyətini gecləndirən və Kaxaber Sxadadzenin rəhbərliyi ilə inamlı təsir bağışlayan “İnter” doğma azarkeşləri önündə “Sumqayıt”ı qəbul edəcək.
Cari mövsümdə bu iki komandanın qarşılşamasında “bankirlər”in üstünlüyü var. Belə ki, birinci dövrədə bakılılar rəqibini “İnter Arena”da 5:1 hesabı ilə darmadağın edib. İkinci dövrədə isə Sumqayıtda baş tutan qarşılaşmada Aqil Məmmədovun yetirmələri paytaxt təmsilçisi ilə qolsuz bərabərə qalıb. Ümumilikdə isə, bu komandalar elitada 10 dəfə üz-üzə gəlib. Statistikaya nəzər yetirəndə “İnter”in “Sumqayıt” üzərində əzici üstünlüyünün şahidi oluruq. Maraqlıdı ki, “kimyaçılar” buvaxta qədər rəqibini bir dəfə də olsun belə məğlub edə bilməyib. 8 oyunda “bankirlər” meydandan 3 xalla ayrılıb, 2 oyunda isə tərəflər sülhə razılaşıb.
Kaxaber Sxadadzenin rəhbərliyi altında “İnter”in hazırlıq dönəmində inamlı təsir bağışladığını, “Sumqayıt”ın isə fasilədə heyətini gücləndirmək üçün ciddi həmlə etmədiyini nəzərə alsaq, bu komandalar arasında baş tutacaq 11-ci dueldə də bakılılar açıq-aşkar favorit hesab olunur. “Kimyaçılar”ın “İnter Arena”dan 1 xalla ayrılması möcüzə hesab oluna bilər.
1 gün sonra isə AZAL Şüvəlanda “Neftçi”ni qəbul edəcək. Bu qarşılaşma heç şübhəsiz ki, vaxtı ilə “Neftçi”də çalışmış, hazırda isə AZAL komandasına rəhbərlik edən Tərlan Əhmədov üçün prinsipiallıq daşıyan matçlardan biri olacaq. Buna görə də “təyyarəçilər”in digər paytaxt təmsilçisini büdrətməsi heç də sensasiya sayılmayacaq. 19-cu turun ikinci oyununda həm də, hər iki klubun təlim-məşq toplanışından necə yararlandığının şahidi olacağıq. Hazırlıq dönəmində ölkədən kənara çıxmayan AZAL-la Türkiyənin Antalya şəhərində təlim-məşq toplanışı keçən “Neftçi”nin heyətinə nəzər salanda ikincilər bir baş üstün görünür.
Amma flaqmanın əsas rəqiblərindən olan “İnter”in bir gün öncə oynaması və “Sumqayıt”la oyunda aşkar favorit olması Arif Əsədovun rəhbərlik etdiyi “Neftçi”nin AZAL-la matça 3 xal qazanmaq uğrunda ciddi mübarizə aparmasına gətirib çıxara bilər. Sadaladığımız amillərə görə iki yerli mütəxəssisin düelində kimin qalib gələcəyini indidən demək çətindi. Çünki “ağ-qaralar” Şüvəlanda baş tutan son 4 oyunun yalnız birində qalib gələ bilib. Ümumilikdə isə bu iki komanda 23 dəfə üz-üzə gəlib. 4 oyunda qalib gələn “təyyarəçilər” 7 dəfə sülhə razı olub. 12 qarşılaşmada isə “Neftçi” aktivinə 3 xal yazdırmağı bacarıb.
Tura fevralın 1-də keçiriləcək 2 qarşılaşma ilə yekun vurulacaq. 19-cu turda əyalətdə baş tutacaq yeganə qarşılaşmada “Simurq” Zaqatalada “Xəzər Lənkəran”ı qəbul edəcək. Bu qarşılaşma bir sıra suallara aydınlıq gətirəcək desək, yanılmarıq. Avrokuboklara vəsiqə qazanmaq arzusunda olan “sarı-qaralar”la gənc futbolçuların ümidinə qalan cənubluların duelində birincilər üstün tərəf kimi görünsə də, Elbrus Məmmədovun əsas komandada ilk rəsmi matçı olduğunu nəzərə alsaq “ağ-yaşıllar”ın rəqibinə diş göstərməsi mümkündü. Zaqatalada baş tutacaq oyunda həm də Lənkəran təmsilçisini “Simurq”a dəyişən Elnur Abdullayev üçün əlamətdar olacaq. Belə ki, o, uzun illər formasını geyindiyi “Xəzər Lənkəran”a qarşı oynaya bilər. Cari çempionata hərəyə bir dəfə qələbə qazanan komandalar buvaxtadək 20 dəfə üz-üzə gəliblər. Lənkəranlıların açıq-aşkar üstün olduğu dueldə 10 dəfə qələbə qazanıb, 7 matçda isə rəqibi ilə bərabərə qalıb. “Simurq” isə cəmi 3 qarşılşamda aktivinə 3 xal yazdıra bilib.
Maddi problemlərlə üz-üzə qalan “Bakı” doğma azarkeşləri önündə eyni durumdan uzaq olan “Qəbələ”ni qəbul edəcək. İbrahim Uzuncanın rəhbərlik etdiyi “zolaqlılar”ın qış fasiləsindən yaxşı istifadə etmədiyini, heyətinin zəif olması, “qırmızı-qaralar”ın baş məşqçisi Roman Qriqorçukun debütünün uğurlu alınmasını bir qədər asanlaşdırır. “Bakı”dan fərqli olaraq “Qəbələ”nin heyətini gücləndirməsi əyalət təmsilçisini 3 xala daha da yaxın edir. Sözügedən klublar indiyədək 26 dəfə üz-üzə gəliblər ki, bunların 12-də bakılılar meydandan qələbə ilə ayrılan tərəf olub. Həmin qələbələrin çoxu da “Bakı”nın bərkgedən vaxtlarına təsadüf edir. İldən-ilə iddialı olmağa çalışan “Qəbələ” isə bu dueldə 8 dəfə 3 xala yiyələnib. Qalan 6 qarşılaşma isə bərabərə bitib. Top fərqi isə bakılıların xeyirinədi – 29:25.
Topaz Premyer Liqası
19-cu tur
19-cu tur
30 yanvar (cümə)
16:00.“İnter” – “Sumqayıt”
“İnter Arena”
31 yanvar (şənbə)
16:00. AZAL – “Neftçi”
“AZAL Arena”
01 fevral (bazar)
“Bakı” – “Qəbələ”
“Bakı” FK-nın təlim-məşq bazasının stadionu, 14:00
“Simurq” – “Xəzər Lənkəran”
Zaqatala şəhər stadionu, 17:00
16:00.“İnter” – “Sumqayıt”
“İnter Arena”
31 yanvar (şənbə)
16:00. AZAL – “Neftçi”
“AZAL Arena”
01 fevral (bazar)
“Bakı” – “Qəbələ”
“Bakı” FK-nın təlim-məşq bazasının stadionu, 14:00
“Simurq” – “Xəzər Lənkəran”
Zaqatala şəhər stadionu, 17:00
N |
O |
Q |
H |
M |
T-F |
X |
|
1 |
16 |
10 |
4 |
2 |
29-17 |
34 |
|
2 |
16 |
7 |
8 |
1 |
26-7 |
29 |
|
3 |
15 |
7 |
5 |
3 |
19-12 |
26 |
|
4 |
16 |
6 |
3 |
7 |
25-22 |
21 |
|
5 |
16 |
5 |
5 |
6 |
22-20 |
20 |
|
6 |
16 |
4 |
7 |
5 |
19-24 |
19 |
|
7 |
15 |
4 |
5 |
6 |
18-25 |
17 |
|
8 |
16 |
4 |
3 |
9 |
19-27 |
15 |
|
9 |
16 |
2 |
4 |
10 |
13-36 |
10 |
|
10 |
0 |
0 |
0 |
0 |
0-0 |
0 |
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…