Ölkə futbolu
"Qarabağ" Xocalı soyqırımı ilə əlaqədar tədbir keçirdi – FOTO
"Qarabağ" klubu 26 fevral – Xocalı soyqırımı ilə əlaq…
"Qarabağ" klubu 26 fevral – Xocalı soyqırımı ilə əlaqədar tədbri keçirib. Futbolinfo.az xəbər verir ki, tədbirdə klub rəhbərliyi, əməkdaşları və futbolçuları iştirak edib. Ağdam təmsilçisinin rəsmi saytında aşağıdakı mətni dərc edib:
"Qan tariximiz heç vaxt unudulmur. 23 il öncə Qarabağda, Xocalı şəhərində törədilmiş soyqırım faciəsi xalqımızın qan yaddaşına əbədi həkk olunmuşdur. Faciənin 23-cü il dönümündə "Qarabağ" Futbol Klubunun vitse-prezidenti Tahir Gözel klubu ziyarət edib. Artıq, qətliam qurbanlarının xatirəsnin yad olunmasını özünə mənəvi borc bilən başqan bu dəfə də dəyərlərimizə sadiq olduğunu nümayiş etdirdi. Daim önəmli günlərdə komandanı tək qoymayan başqan bu dəfə komandamızla birgə faciəni yad edib. Başqanımız əsas komandamızla bazada görüşüb. Günorta saatlarında baş tutan görüşdə ilk olaraq faciədə ölənlərin ruhu 1 dəqiqəlik sükutla yad edilib. Ardınca Tahir bəy 1992-ci ildə baş verən faciə haqqında danışıb. Məsələyə hər zaman olduğu kimi fərqli yöndən yanaşan başqanımız baş verən faciənin bir millətin, xalqın deyil bütün bəşəriyyətin üzüntüsünün olduğunu qeyd etdi. Tahir bəy yaradılış qayəmizdən danışaraq qeyd etdi ki, yer üzərinin bütün insanları eyni yaradılıb, sonra isə insanlar qəlblərindəki tamaha yenilərək Xocalı kimi faciələri törədirlər. 100-lərlə günahsız insanın qətl edilməsinin arxasında heç bir torpaq, milli inanc dayana bilməyəcəyini qeyd etdi. Xocalıda baş verənlərin insanlıq üçün utancverici olduğunu bildirdi.Xocalıda qətl edilən uşaqların sadəcə Azərbaycanın deyil bütün insaniyyətin övladları olduğunu bildirdi. Hər birimizin öncə insan olduğunu və yaradılış qayəmizdə qan tökməyin, pislik etməyin olmadığını vurğuladı. Tahir bəy baş verən hadisəni cahiliyyətin törətdiyi qətliam adlandırıb. Tahir bəy tarixi yaşatmaq, tarix üçün şəhid düşənlərin xatirələrinin yaşadılması üçün hər birimizin üzərinə düşən vətəndaşlıq görəvinin artıqlamasıyla yerinə yetirilməli olduğunu söylədi. Qarabağ adının "Qarabağ"la fərq yaratdığını amma adımızı ən qürurulu şəkildə daşıdığımızı ifadə etdi. "Qarabağ"ın 1 milyon məcburi köçkünün Qarabağ sevdasının təsəllisi olduğunu bildirdi. "Qarabağ" adı bizi daha məsuliyyətli olmağa vadar etdiyini bildirdi. Başqanımız hər kəsi Xocalı faciəsini düşünməyə çağırıb. İnsanlıq tarixində bir daha belə faciələr yaşanmaması üçün insanlıq sevgisiylə yaşamağın önəmini vurğulayıb".
- Milli komanda2024-05-03 08:00
Vay(ss) bizim halımıza?
- Ölkə futbolu2024-05-02 08:00
Bir aylıq istirahətin şərəfinə… Balaşın ariyası
- Müsahibə2024-05-02 15:51
Dodo “Qəbələ”yə kömək etmək istəyir: I Liqada da oynamağa hazırdır
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə