Ölkə futbolu
Klublarımız Xocalı soyqırımı ilə bağlı hansı işlər gördü?
Bu gün Azərabaycan xalqının başına gətirilmiş ən böy…
Bu gün Azərabaycan xalqının başına gətirilmiş ən böyük fəlakətlərdən biri olan Xocalı faciəsindən 23 il ötür. Bu haqda ölkəmizdə və xaricdə bir çox təbliğat kompaniyaları aparılır. Bəs görəsən, klublarımız bu hadisə ilə bağlı nə kimi tədbirlər keçirib? Ona görə də klublar arasında bu məsələylə əlaqədar nə kimi işlər görüldüyünü araşdırdıq:
Rəşad Məmmədov (“Sumqayıt”ın mətbuat katibi): “Bizdə əsasən yerli futbolçular olduğundan bu barədə hamının məlumatı var. Ümumiyyətlə, Xocalı soyqrımı haqqında məlumatı olmayan azərbaycanlı şəxsiyyət olmamalıdı. Bu günkü tədbir zamanı abidə önündə futbolçulara bir daha bu haqqda məlumat verilib, həmin hadisə haqqında danışılıb. Sumqayıtda yerləşən “Xocalı” abidəsini ziyarət etmişik. Bundan başqa, növbəti oyunumuzu evdə keçirəcəyimizdən qarşılaşmadan əvvəl 1 dəqiqəlik sükut elan olunacaq və komanda meydana qara sarğı ilə çıxacaq”.
Anar Hacıyev (“Qəbələ”nin mətbuat katibi): “Biz klub olaraq əsasən akademiyadakı azyaşlı futbolçularla bu barədə işlər görürük. İlk olaraq, buradakı uşaqların Şəhidlər Xiyabanına ziyarəti ilə başlamışıq. Bundan əlavə, mövzuyla əlaqədar məşqçilər və müəllimlər hadisənin Azərbaycan tarixindəki önəmi, erməni vəhşiliyi və hadisənin baş vermə səbəbləri haqqında uşaqlara məlumat veriblər. Həmçinin “Xoca” filminin də nümayiş etdirilməsi nəzərdə tutulub”.
Səbuhi Məmmədov (“İnter”in mətbuat katibi): "Bu gün komandanın məşqindən öncə faciə qurbanlarının xatirəsi 1 dəqiqəlik sükutla yad edilib. Həmçinin, baş məşqçi hadisə ilə bağlı futbolçulara qısa olaraq məlumat verib. İnzibati heyətin üzvləri isə “Xocalı” abidəsini ziyarət edəcəyi gözlənilir.
Hüseyn Cəbrayıloğlu (“Xəzər Lənkəran”ın mətbuat katibi): “Bu haqda rəsmi saytımızda keçid yerləşdirilib. Komanda halında Lənkəranda yerləşən “Xocalı” abidəsini ziyarət edib, əklil qoymuşuq. Bundan sonra komanda akt zalında yığışıb, qısa bir tədbir keçirmişik. Burada futbolçulara faciə ilə bağlı məlumat verilib və 15 dəqiqəlik videorolik nümayiş etdirilib”.
Rüstəm Allahveriyev (“Simurq”un mətbuat katibi): “Klub olaraq saytımızda başsağlığı vermişik. Bundan əlavə əsas komanda məşqdən öncə bir dəqiqəlik sükutla şəhidlərimizin xatirəsi yad edib. Həmçinin, əvəzedici heyətlə uşaq futbol komandamızın üzvləri Zaqatalada yerləşən “Xocalı” abidəsini ziyarət ediblər və məşqçi Rövşən Babayev tərəfindən onlara ətraflı məlumat verilib”.
Eldəniz Yusifov (AZAL-ın mətbuat katibi): “Neftçi” ilə matçdan sonra baş məşqçi bu faciə haqda futbolçulara məlumat verib. Bu gün də təsadüfi deyil ki, faciə günü ilə əlaqədar olaraq komanda məşqə çıxmayıb. Legionerlərimizin əksəriyyəti 2-3 ildir ki, komandamızın heyətindədi və bu haqda məlumatlıdırlar. Bilirsiniz ki, son vaxtlar “Xocalıya ədalət” adı altında böyük işlər görülür. Beynəlxalq tədbirlər də keçirilir. Onlarda artıq kifayət qədər bu haqda maraqlanırlar. Bununla belə, biz də öz məlumatımızı vermişik. Bu kompaniyaya biz də qoşulmuşuq. Şəhidlərmizin xatirəsini ötən turdakı oyundan öncə də 1 dəqiqəlik sükutla yad elədik”.
Yaşar Seyidov (“Bakı”nın icraçı direktoru): ”Dünən U-19 komandamız “Sumqayıt”la oyuna qollarında qara sarğı ilə çıxıblar. Bu gün hadisə ilə bağlı akademiyamızda da tədbir keçirmişik. Komandamızın heyətində cəmi 2 legioner futbolçu var ki, onlara da bu haqda məlumat vermişik. Bu faciəni heç vaxt unutqmaq olmaz”.
Nurlan İbrahimov (“Qarabağ”ın mətbuat katibi): “Biz “Qarabağ” klubu olaraq hər il olduğu kimi bu il də Tahir Gözəlin başçılğı altında tədbir keçirdik. Futbolçulara Azərbaycan, İngilis və Portuqal dillərində məlumat verilib və hadisənin mahiyyəti başa salınıb. Faciənin ölkəmiz və bəşər üçün hansı əhəmiyyətlər daşıdığı futbolçuların nəzərinə yetirilib”.
“Neftçi”nin mətbuat katibi Gündüz Abbaszadə ilə əlaqə saxlamaq cəhdlərmiz isə boşa çıxdığından paytaxt klubunun bu barədə fəaliyyəti haqqında məlumat ala bilmədik.
ELMAR ABDULLA-ZADƏ
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Premyer-liqa2024-04-19 18:26
“Turan Tovuz” “Sumqayıt”a böyük hesabla məğlub oldu
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq