Ölkə futbolu
Sxadadzenin xələfi bəllidi: Puşiçlə müqavilə imzalandı
"İnter"in baş məşqiçisi Kaxaber Sxadadze möv…
"İnter"in baş məşqiçisi Kaxaber Sxadadze mövsümün sonunadək Bakı klubu ilə yanaşı Gürcüstan millisini də çalışdıracaq olası rəhbərliyi yeni addım atmağa məcbur edib. Futbolinfo.az xəbər verir ki, bu səbəbdən də "bankirlər" məşqçilər korpusuna əlavə çalışdırıcı – Marino Puşiçi gətirib.
Belə ki, bu gün hollandiyalı mütəxəssislə klub arasında müqavilə imzalanıb. Müqaviləyə əsasən, o, cari mövsümün sonunadək "İnter" komandasının baş məşqçisinin köməkçisi vəzifəsində çalışacaq. Mövsümun sonunda tərəflər arasında aparılan növbəti danışıqlar zamanı hollandiyalı mütəxəssisin baş məşqçi postuna təyin olunması məsələsi müzakirə ediləcək. Razılıq əldə ediləcəyi təqdirdə cənab Puşiçin baş məşqçi postuna təyin olunması məsələsi həllini tapacaq.
Qeyd edək ki, Puşiç 1971-ci il avqustun 18-də Bosniya və Hersoqovinanın Mostar şəhərində anadan olub. Proffesional futbolçu kimi o, "Red Star"(Belqrad), "Velez" (Mostar, Bosniya və Hersoqovina), "FC Köln"(Almaniya), "De Graafschap"(Hollandiya), "Go Ahead Eagles" (Hollandiya) kimi klublarda və iki oyun Bosniya və Hersoqovina yığmasında çıxış edib. Marino Pusic 2009-2013-cü illərdə "Vitesse Arnhem"(Hollandiya) klubunun 19 yaşlılardan ibarət komandasını çalışdırıb, 2013-cü ildə isə UEFA Pro lisenziyasını alıb. 2013-cü ilin iyulun 1- dən 2014-cü ilin oktaybr ayınadək "NAC Breda" (Hollandiya) klubunda köməkçi məqçi kimi çalışıb.