Premyer-liqa
Dododan başqa hamı
Topaz Premyer Liqasının 27-ci turunda istirahət edən “Qəbə…
Topaz Premyer Liqasının 27-ci turunda istirahət edən “Qəbələ” növbəti oyunun hazırlıqlarını davam etdirir. Futbolinfo.az xəbər verir ki, martın 28-də əvəzedici komanda ilə yoxlama oyunu keçirib, 7:2 hesabı ilə qalib gələn Roman Qriqorçukun yetirmələri dünən 28-ci turun AZAL-la görüşünün hazırlıqlarına başlayıb.
Yoxlama matçının ertəsi məşq edib, ardınca bir günlük istirahət edən "qırmızı-qaralar" çalışmalarını Qəbələdə davam etdirir. Gündə bir dəfə hazırlıq keçən komandanın məşqlərində yalnız zədəli Dodo iştirak etmir. Azərbaycan millisinin düşərgəsindən qayıdan Cavid Hüseynovla Ruslan Abışov, U-21-dən qayıdan Tellur Mütəllimov da məşqlərə qatılır. Zədə səbəbindən bir müddət fərdi hazırlıq keçən Elvin Camalov da artıq komandaya qoşulub.
Növbəti iki gündə də doğma məkanda məşq edəcək “Qəbələ” aprelin 3-dəki hazırlığın ardından Bakıya yollanacaq. 28-ci tur çərçivəsində AZAL-la səfər görüşündən bir gün əvvəl qəbələlilər paytaxtda məşqə çıxacaq. Oyunöncəsi son məşq qarşılaşmanın baş tutacağı Şüvəlandakı “AZAL Arena”da baş tutacaq.
Qeyd edək ki, AZAL – “Qəbələ” oyunu aprelin 5-də keçiriləcək.
(Klub saytı)