Premyer-liqa
Vobayın Zaqataladakı hərəkəti – VİDEO
"Neftçi" klubu futbolçusu Julius Vobayın &quo…
"Neftçi" klubu futbolçusu Julius Vobayın "Simurq"la səfər matçında zaqatalalı azarkeşləri təhqir etdiyi ilə bağlı iddialara cavab verib. Futbolinfo.az xəbər verir ki, Bakı təmsilçisi rəsmi "Facebook" səhifəsi vasitəsilə aşağıdakı mətni və videonu paylaşıb:
“Neftçi”nin futbolçusu Julius Vobayın ədəbsiz jest etdiyi iddiası mətbuatın gündəmindədi. Əslində, bu iddialara münasibət daha tez verilə bilərdi. Sadəcə məsələnin aydınlığa çıxması üçün faktlar əldə etmək vaxtımızı aldı. Sizə təqdim etdiyimiz videoya diqqətlə baxmağınızı xahiş edirəm. Julius Vobay oyundan sonra qələbəni özünə məxsus tərzdə qeyd edir. Fikir veririsinizsə, bu jest “Simurq” azarkeşlərinə deyil, qələbə qolunun vurulmasında əməyi olan Əziz Quliyevə və Nikolas Kanalesə, həmçinin qapısını toxunulmaz sağlamağı bacaran Aqil Məmmədova yönəlir. Bu təhqir deyil, Vobaya məxsus qələbə sevincidi.
Bu barədə futbolçumuz Julius Vobayla da söhbətimiz oldu. O, illərdir ölkəmizdə yaşadığını və bir müsəlman kimi Azərbaycan xalqının inancına, adət-ənənəsinə az-çox bələd olduğunu söylədi. Vobayın mənə dediklərini olduğu kimi bura yazıram: “Həmin epizodda ədəbsiz jestdən söhbət belə gedə bilməz. Uzun illərdir Azərbaycandayam və heç vaxt belə hərəkət etməmişəm, bundan sonra da etmərəm. Gərgin oyundan sonra qazandığımız qələbəni komanda yoldaşlarımla bu formada qeyd etdim. Əgər, hər hansı azarkeş bu hərəkətimi qeyri-etik jest kimi başa düşübsə, mən həmin insanlardan üzr istəməyə hazıram. Kiminsə qəlbini qırmaq istəmərəm".
“Neftçi” PFK olaraq bildirmək istəyirik ki, əgər Julius Vobay belə bir hərəkət etmiş olsaydı, ilk növbədə klubumuz onu cəzalandırardı".