Premyer-liqa
Etimadın mükafatı
Dorinel Muntyanunun başçılıq etdiyi bir “Qəbələ&rdq…
Dorinel Muntyanunun başçılıq etdiyi bir “Qəbələ” fikirləşin. Daha doğrusu, yada salın.
Mövsümün əvvəli, uğursuzluqlar seriyası və rumın çalışdırıcının boş-boş vədləri. Bəlkə də, rəhbərlik bir qədər gec ayılsa, məşqçiyə yersiz güvənc vərdişindən əl çəkməsəydi, indi “qara-qırmızılılar” elitada qalmaq uğrunda mübarizə aparırdı.
Əslində, “Qəbələ”də heç nə dəyişməyib. Həmin rəhbərlik, demək olar, həmin futbolçulardı. Ancaq oyun baxımından tamamilə fərqli kollektiv görürük: döyüşən, mübarizə aparan, zövq verən futbol oynayan “Qəbələ”.
Bir adam qısa zmanda komandanı yalnız bu qədər dəyişə bilər. Xeyli tənqid etdiyimiz Roman Qriqorçukun artıq əməyinə layiqli qiymət verməyin vaxtıdı. Çünki ardıcıl 7 oyundu qələbə qazanan, ən önəmlisi, "ilk beşlik”də qərarlaşan rəqiblərinin hamısını səfərdə məğlub edən komandanın baş məşqçisindən danışırıq.
Zahirən orta asiyalı soydaşlarımıza bənzəyən Qriqorçuk xaraktercə döyüşkən, prinsipial, işləməyi sevən birisidi. Etiraf edək ki, Muntyanudan miras qalmış bəzi əcnəbilərin varlığı üzündən heyəti də istədiyi kimi gücləndirə bilməyib. Amma əlində olan materialla ən yaxşısını etməyi bacarır. Komandanın lideri Dodonun yoxluğuna, istənilən sayda yerli oyunçunun olmamasına rəğmən…
“Neftçi” ilə son çempionat oyunu Qriqorçukun qurduğu komandanın əsl simasını göstərdi. Ukraynalı çalışdırıcı zövqlü qarşılaşmanı çirkinləşdirmədi, hətta hesabda öndə olarkən də hücum əmri verdi, meydandakı gənclərin əmisi yaşında olan Viktor Mendi də elə gənclərə nümunə olacaq tərzdə sürətli sıçrayış edib, daha bir qol vurdu.
“Qəbələ” futbol oynayırdı. Sanki, Qriqorçuk əlində pult tutub, kompüterdə “Playstation” oynayır, “üçbucaq” düyməsi ilə hücum qururdu. Çoxgedişli dəqiq ötürmələr, qol vəziyyətləri və s. Bu, artıq əsl futbol, mövümün əvvəlində ayaqlarını sürüyən fuybolçuların əsl bacarığının nümayişi idi.
Bu gün “Qəbələ” “Qarabağ”la birgə ölkənin ən yaxşı futbol oynayan komandasıdı. Ağdamlılarda Qurban Qurbanov amili həlledicidisə, “Qəbələ”də də Qriqorçuk baş roldadı. “Simurq”la kubok oyunundakı faciəvi səhvlərinə baxmayaraq, qapıçı Bezotosnıya, daim tənqid olunan Qaya güvənməyin mükafatıdı bu.
Düzü, yayda “Qəbələ”nin daha güclü olacağına əminəm. Müqaviləsi bitən zəif legionerlərin yerinə alınacaq daha yaxşı əcnəbilər Qriqorçukun ansamblını tamamlamalıdı. Yəqin, o zaman avrokubokda, yeni mövsümdə daha yaxşı nəticələr göstərən “Qəbələ” görəcəyik. Avropa Liqasına düşmək isə artıq çətin olmamalıdı. Çempionatda çox geri düşən “Simurq”un demək olar ki, finala çıxmaq şansı cüzidi. Bundan başqa, qəbələlilər artıq 3-cü pilləni ələ keçirmək üçün də xeyli istəklidi. Bu səbəbdən yeni planları cızmaq olar.
“Qəbələ” rəhbərliyini məşqçilərə həddindən artıq güvənməsinə görə hamımız qınayırdıq. Muntyanuya göstərilən etimad yersiz idi, amma Qriqorçuka səbr edilməsində onlar da layiq olduqları mükafatı aldılar. İndi uğura davam etmək üçün seçilmiş strategiyanı davamlı etmək lazımdı.
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Ölkə futbolu2024-05-04 10:19
“Araz-Naxçıvan”ın baş məşqçisi: “Rəqib tapmaq çətinləşir”
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO