Ölkə futbolu
Baş plan və görüntü
AFFA-nın baş katibi Elxan Məmmədovun ölkə futbolunu tamamil?…
AFFA-nın baş katibi Elxan Məmmədovun ölkə futbolunu tamamilə nəzarətinə almaq cəhdləri davam edir. “Neftçi”də məlum dəyişikliklər onun planının həll edilmiş vacib mərhələsi oldu. İndi isə inqilabdan sonra ab-havanı düzəltmək üçün reabilitasiya dövrüdü. Yəqin ki, yeni hücüm dalğası üçün zəmin hazırlanır.
`
Müşahidə Şurasına bəlkə də, Yusif Sərrac qismində gətirilən Çingiz Abdullayev hələ ki, danışır. Və hər dəfə danışanda da böyük planın bir bəndini gündəmə gətirir. Klub üçün baza tikilməsi, buna “Xəzər Lənkəran”ın misal olaraq göstərilməsi təsadüfi deyildi.
Müşahidə Şurasına bəlkə də, Yusif Sərrac qismində gətirilən Çingiz Abdullayev hələ ki, danışır. Və hər dəfə danışanda da böyük planın bir bəndini gündəmə gətirir. Klub üçün baza tikilməsi, buna “Xəzər Lənkəran”ın misal olaraq göstərilməsi təsadüfi deyildi.
Onun klubda artıq adamların bolluğuna işarə vurması isə həm də Sadıq Sadıqova mesaj idi. Məşhur yazışı bununla sabiq prezidentin qohumlarını kluba yığıb, büdcəni boş yerə dağıtmasına işarə vermişdi. Onların yerinə Elşad Nəsirovun vaxtilə “Neftçi”yə göndərdiyi, amma burada istənməyən Vəli Qasımovun gətirilməsi də gizli planı aşkarlayan faktlardandı.
Dmitri Kramarenko sadəcə, istifadə edilən fiqurdu. Atası “Neftçi”nin əfsanələrindən olan sabiq qapıçı həm də Sadıqovun kadrlarının təmizlənməsi yolunda addımdı. O da var ki, Dima Sergey Kramarenkonun şərəfinə açılacaq qapıçılar məktəbinə rəhbər olmalıdı. O məktəbə ki, onun təşkilini Elxan Məmmədov edəcək. Bunu da Abdullayev deyib. Görəsən, bu, baş katibin “Neftçi”yə müdaxiləsi deyil, bəs, nədir?
Klubun loqosunu belə dəyişməyə hazırlaşan rəhbərlik belə görünür ki, “Neftçi”nin yaxın keşmişini, Sadıqovla bağlı dövrünü bütünlüklə qaşımaq fikrindədi. Amma hər şeyi unutdurmaq üçün gərək çempionluqlar sayı da Sadıq bəyin vaxtındakından çox olsun, avrokuboklardakı nəticələr də.
Maraqlıdı ki, “Neftçi”dəki bütün təyinatlarda ortaq məxrəc var. Belə ki, yeni kadrların hamısı rusdilli azərbaycanlılardı. Sədrindən tutmuş veteran kimi müxtəlif postlara gətirilənlərə kimi. Səməd Qurbanovla Mübariz Zeynalovu nəzərə almayın – onlar say düzəltmək, görüntü yaratmaq üçün lazım olan müvəqqəti fiqurlardı. Söhbət çevrilişdə pay sahibi olanlardan gedir ki, onların da hamısı Elxan Məmmədov kimi danışır.
Bütün bu dəyişiklikləri qamçılamaq da olmaz. Həqiqətən nümunəvi komanda yaradılacaqsa, son oyunlarda müşahidə olunan azarkeş artımı dayanmayacaqsa, lap yaxşı. Amma şəxsən mənə aydındı ki, bütün bunlar sadəcə, iz azdırmağa yönəlib. Əsas hədəf başqadı və ona çatmaq üçün demək olar, bütün işlər görülüb. “Neftçi”nin işğalı bitən kimi isə bütün mübarizə gücü Peşəkar Futbol Liqasının ələ keçirilməsinə yönələcək.
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO
- Ölkə futbolu2024-05-04 10:19
“Araz-Naxçıvan”ın baş məşqçisi: “Rəqib tapmaq çətinləşir”