Ölkə kuboku
Tahir Gözəl: "Bu, ölkə futbolunun inkişafı və populyarlığı baxımından əhəmiyyətlidi"
Ötən gün Azərbaycan kubokunda yarımfinal mərhələsinin …
Ötən gün Azərbaycan kubokunda yarımfinal mərhələsinin cavab oyunları keçirilir. Futbolinfo.az xəbər verir ki, "Qarabağ" səfərdə "Simurq"la 0:0 bərabərə qalaraq, finala vəsiqə qazanıb.
Ağdam klubunun vitse-prezidenti Tahir Gözəl komandasının finalına yüksəlməsini sevinclə qarşılayıb:
"Bu mənim "Qarabağ"la 3-cü finalım olacaq. 2006 və 2009-un Azərbaycan kubokunu qazanma sevincini yaşamışıq. 6 il sonra yenidən finalda oynamaq olduqca xoş duyğudu. Üstəlik, rəqibimizin "Neftçi" olması da final qarşılaşmasına əlavə rəng qatacaq. Finalda "Neftçi"ylə qarşılaşmaq mənə 2 qat sevinc bəxş edir. "Neftçi" Azərbaycan futbolunda xüsusi yeri olan klubdu. Hər zaman "Neftçi"ylə oyunlar mənim üçün xüsusi olub. Bunu daim hər zaman açıqlamalarımda bildirmişəm. Daha öncə də qeyd etdiyim kimi "Qarabağ" – "Neftçi" oyunu aslanlar qarşılaşması kimidi".
Gözəl həlledici oyunun keçiriləcəyi məkanla bağlı da fikirlərini bölüşüb: "Final görüşünün Qəbələ və ya başqa bir şəhərdə keçirilməsi də olduqca xoş bir xəbərdi. İstənilən halda belə bir derbinin, gözəl qarşılaşmanın bölgədə keçirilməsi ölkə futbolunun inkişafı və populyarlığı baxımından olduqca yaxşı amildir. Futbol ictimayyətini, azarkeşləri olduqca maraqlı qarşılaşma gözləyir. Şəxsən stadionda komandamı dəstəkləyəcəyim anı gözləyirəm. Hər kəsi bu oyuna dəvət edirəm. Xüsusilə, azarkeşlərimizi oyuna dəvət edir, onların oyunun keçiriləcəyi stadionu doldurmasını istərdim".
Qeyde edək ki, "Qarabağ" ilk oyunda 1:0 hesabı ilə qələbə qazanmışdı.
(Klub saytı)