I Liqa
"Rəvan"ın baş məşqçisi: "Komandada qalıb-qalmayacağım bəlli deyil"
Azərbaycan çempionatının 1-ci divizionunda 2014/15 mövs…
Azərbaycan çempionatının 1-ci divizionunda 2014/15 mövsümünə yekun vuruldu. Futbolinfo.az xəbər verir ki, "Neftçala" 78 xalla çempion olubsa, gümüş medallara "Ağsu" sahib çıxıb.
"Rəvan" isə ağsulularla eyni xal (67) toplamasına rəğmən, bürünclə kifayətlənib. Maraqlıdı ki, hər 3 medalçı növbəti mövsüm məlum səbəblərdən Premyer Liqada iştirak etməyəcək. Bu yerdə adıçəkilən komandaların "sükanı arxasında" əyləşən mütəxəssislərin iş yerini dəyişib-dəyişməyəcəyi maraq doğurur. "Rəvan"ın baş məşqçisi Ramil Əliyevə məsələ ilə bağlı müraciət etdik:
"Hazırda klubun sponsorları ölkə xaricindədi. Görüşdükdən sonra komandada qalıb-qalmayacağım müəyyənləşəcək. Hələ ki, məsələ aydınlaşmayıb. Bildirim ki, klubla müqaviləm başa çatıb.
Yenidən, birinci divizionda işləmək istərdim. Hər halda, qane etməsəydi, işləməzdim. Fərq etməz ki, elitada, yoxsa aşağı liada işləyirsən. Təki futbol adına çalışasan. Bizim əsas motivasiyamız Premyer Liqaya vəsiqə qazanmaq idi. Məlum qərardan sonra komandanı oyunlara kökləmək çox çətin oldu. Bizim işimiz komandanı oyuna hazırlamaqdı. Lisenziya və digər işlərlə rəhbərlik məşğul olur".
TAHİR MƏMMƏDOV