Ölkə futbolu
Leroyu İzmirə çağırdılar – ÖZƏL
Mövsümün sonunda “Qarabağ”la müqavil?…
Mövsümün sonunda “Qarabağ”la müqaviləsi başa çatacaq Leroy Corcun Ağdam klubunda qalıb-qalmayacağı bəlli deyil. Futbolinfo.az xəbər verir ki, bu məsələyə ölkə kubokunun final matçından sonra aydınlıq gəlməlidi.
Məsələ burasındadı ki, onun xidmətindən Türkiyə PTT 1-ci Liqasına yeni vəsiqə qazanan “Göztəpə” də maraqlıdı. Bu barədə geridə qalan günlərdə qardaş ölkə mətbuatı da yazmışdı. Düzdü, ilk növbədə bu inandırıcı xəbər kimi qəbul edilmədi. “Qarabağ” rəsmilər də hər hansı bir klubdan təklif almadıqlarını bildirlər.
Bundan başqa “Göztəpə”nin baş məşqçisi Mətin Diyadin də saytımıza açıqlamasında Azərbaycana futbolçulara baxmaq üçün gəldiklərini təsdiqləsə də, Leroy xəbərini təkzib etdi. O, bildirdi ki, ölkəmizdə onlar üçün yararlı ola biləcək futbolçu yoxdu. Diyadinin bu cür açıqlama verməsi istər-istəməz təəccüb doğurur. Yəni, həqiqətən “Göztəpə” səviyyəsində futbolçumuz yoxdu?
Sən demə, Diyadinin bu cür açıqlama verməyə məcbur qalıb. Əldə etdiyimiz məlumata görə, “sarı-qırmızılar” bu transfer danışıqlarının gizli saxlanılması istəyib. Bu məsələdə Leroyun özü də maraqlıdı. Çünki türklər Surinam əsilli hollandiyalıya “Qarabağ”dan daha çox pul təklif edir.
Buna görə də göztəpəlilər danışıqlar üçün Leroyu İzmirə dəvət edib. Bu görüşün vaxtı da bəllidi. Etibarlı mənbədən əldə etdiyimiz məlumata görə, tərəflər arasındakı görüş İyunun 4-də, yəni Azərbaycan Kubokunun final matçından bir gün sonra baş tutacaq. Məlumatı 28 yaşlı futbolçunun Hollandiyadakı agenti Riçinel Brayson da təsdiqləyir.
Qeyd edək ki, 2013-cü ildən “Qarabağ”da çıxış edən Leroy cari mövsümdə komandasının vurduğu 51 qoldan 10-na imza atıb.
EMİN SƏFƏROV