Ölkə futbolu
“Kəpəz” də xaricə gedir
“Kəpəz”in yeni baş məşqçisi Şahin Diniyevin k…
“Kəpəz”in yeni baş məşqçisi Şahin Diniyevin köməkçiləri də artıq məlumdu. Futbolinfo.az xəbər verir ki, yeni işində Diniyevə Şakir Qəribov, Xaliq Mərdanov və Füzuli Məmmədov kömək edəcək.
Saytımıza açıqlama verən təcübəli mütəxəssis qapıçılarla işləyəcək məşqçinin adına isə yaxın günlərdə aydınlıq gələcəyini bildirib: “Xaliq müəllimlə “Rəvan”da, Şakir Qəribovla isə millidə bir yerdə çalışmışıq. Füzuli Allahverdiyev isə komandamda yeni simadı. Gəncə futboluna xidmtləri böyükdü. Buna görə də onun kənarda qalmasını istəmirəm. İnşallah, qarşıdakı 10 gün ərzində qapıçılarla işləyəcək məşqçinin də adı bəlli olacaq”.
“Füzuli bəyin xidmətini sizə kim təklif edib” sualını isə Diniyev belə cavabladı: "Mənə heç kim təklif etməyib. Bu komandada işləyəcəmsə, mənə həm intizamlı, həm də insanı keyfiyyətləri yüksək olan şəxslər lazımdı. Əl-ələ verib, bir iş görməliyik. Seçimimdə də azadam.
Bundan başqa Şahin bəy “Kəpəz”in təlim-məşq toplanışını üçün ölkə xaricinə yollanacağını bildirib: “Təbii ki, birbaşa oyuna gəlməyəcəyik. Ölkə xaricində də, daxildə də təlim-məşq toplanışı keçəcəyik. Hazırda seleksiya işləri ilə məşğuluq. Yeni mövsümün başlama vaxtını da nəzərə alıb, planlarımızı quracağıq”.