Ölkə futbolu
"Simurq"u alqışlarla qarşılamaq lazımdı"
Bu gün Premyer Liqanın 36-cı turu çərçivəsində…
Bu gün Premyer Liqanın 36-cı turu çərçivəsində “Xəzər Lənkran” “Simurq”u qonaq edəcək. Qarşılaşma turnir cədvəli baxımından əhəmiyyət daşımasa da, oyunun gərgin keçəcəyini gözləmək olardı.
Bu gərginliyə səbəb isə cənubluların sabiq futbolçusu Elnur Abdullayevdi. Yarımmüdafiəçi qış fasiləsində “gəmiçilər”i “Simurq”a dəyişmişdi. Düzdü, burda qeyri-adi bir şey yoxdu. Ancaq məsələ burasındadı ki, qış fasiləsindən sonra Zaqatalada keçirilən ilk qarşılaşmada Abdullayev sabiq komandasının qapısına yol tapmış və bunu çılğınlıqla qeyd etmişdi. Futbolçu o zaman bu hərəkətinə görə çox tənqid olunmuşdu. Hətta həmin vaxt “12-ci oyunçu” azarkeş qrupunun rəhbəri İslam Cabbarlı Elnurun hansısa komandanın heyətində Lənkəranda gələcəyi təqdirdə 90 dəqiq onu fitə basacaqlarını bildirmişdi. Nəhayət, gözlənilən gün gəldi. “Xəzər Lənkəran” bu gün doğma divarlar arasında “Simurq” qəbul edəcək. Lakin əldə etdiyimiz məlumata görə adıçəkilən futbolçu bu gün Lənkərana yollanmayacaq. Maraqlıdı, görəsən, futbolçunun səfərə yollanmaması maddiyatla bağlıdı, ya həqiqətən də fanatlardan çəkinib? Ümumiyyətlə, lənkəranlı azarkeşlər onun gəlişi ilə bağlı nəsə bir hazırlıq görübü? Bu və digər məsələrlə bağlı İslam bəy fikirlərini saytımıla bölüşdü:
“Elnura qarşı artıq heç bir problemimiz yoxdu. Keçmişdə olanlar unudulub. Ona qarşı heç bir xüsusi hazırlıq görməmişdik. Onsuz da, bugünkü qarşılaşmaya çoxlu azarkeşin gələcəyi gözlənilmir. Düzdü, deyə bilmərəm fanatlardan çəkinib, ya maddi problemlərə görə gəlməyib. İndi reallıq budu ki, komandanın vəziyyəti də pisdi. Əgər “Simurq”da hər şey qaydasında olsaydı və Elnur gəlməsəydi, onda buna bir ad qoymaq olardı. Ümumiyyətlə, “Simurq”un hansısa futbolçusuna qarşı əvvəldən nəsə problemimiz olsaydı, bu gün ona heç bir şey deməzdik. “Xəzər Lənkəran” tərəfdarları yıxılan ağaca balta vuran deyil. Onları hörmətlə qarşılacağıq. Komadanın bu vəziyyətində Zaqataladan yola çıxıb, bura gəlirlərsə, onları alqışlarla qarşılamaq lazımdı”.