Ölkə futbolu
Həmkarımızın övladı da medalçı oldu – FOTO
Mayın 28-də “Bakcell Arena”da “Neftçi&rdquo…
Mayın 28-də “Bakcell Arena”da “Neftçi” – AZAL (1:1) oyununun fasiləsində meydan sahiblərinin aşağı yaş qruplarından ibarət iki komandasının mükafatlandırma mərasimi də baş tutdu. Futbolinfo.az xəbər verir ki, Bakı-2015 I Avropa Oyunlarına həsr olan “Sabahın ulduzlar” turnirində bu mövsüm Azərbaycan çempionatının və Klubların Futbol Akademiyalarının (KFA) qalibi olmuş Vaqif Əliyevin baş məşqçisi olduğu 2004-cü il təvəllüdlülər qızıl, Tural Kərimovun çalışdırdığı 2006-cı il doğumlular isə gümüş mükafata sahib çıxdı.
Kubok və medalları “Neftçi”nin Müşahidə Şurasının sədri Çingiz Abdullayev, üzvlər Mübariz Zeynalov və Səməd Qurbanov, eləcə də klubun idman direktoru Vəli Qasımov balacaların boynundan asdı.
Onu da qeyd edək ki, “Neftçi”nin U-10 komandası “Sabahın ulduzları”nı məğlubiyyətsiz başa vurub. Maraqlıdı ki, turnirdə yalnız 2 oyunda heç-heçə edən Tural Kərimovun yetirmələrinin üstələdiyi komandalar arasında 1-ci yerə sahib çıxan “İnter Arena” da olub. Qalibin müəyyənləşməsində 1 xal həlledici olub.
Yeri gəlmişkən, “Neftçi”nin 10 yaşlılarının heyətində “Futbol+”dən olan həmkarımız Mirağa Mirzəyevin övladı Zəka da çıxış edir.