Ölkə futbolu
Nazarov: "İyunun 1-də saqqalımı qırxa bilsəm, çox şad olacam"
Almaniyanın “Karlsrue” klubunda çıxış edən mil…
Almaniyanın “Karlsrue” klubunda çıxış edən milli komandamızın hücumçusu Dmitri Nazarov klub saytına açıqlama verib. Futbolinfo.az xəbər verir ki, həmyerlimiz 1-ci Bundesliqaya vəsiqə uğrunda “Hamburq”la keçirilən pley-off qarşılaşmalarının ilk oyununda səfərdə qeydə alınan heç-heçə (1:1) ilə bağlı bunları bildirib:
"Hamburqdakı bərabərlikdən sonra özümüzü yaxşı hiss etməliyik. Düzdü, əla bir şansı əldən buraxdıq. Komanda qələbə qazansaydı, daha rahat olacaqdıq. Meydanda qazandığımız qol vəziyyətlərinə baxanda aydın olur ki, matçın sonunda kim qalib kimi ayrılmalı idi. Lakin istənilən halda səfərdə fərqlənməyimiz üstünlüyümüzdən xəbər verir. Öz meydanımızda da çalışacağıq ki, sərfəli nəticə əldə edək. Bunu bacaracağımıza ümid edirəm".
Bir epizodda Nazarov özü qol vurmağa yaxın oldu. Lakin zərbəsindən sonra top qapı dirəyinə tuş gəldi. Futbolçu həmin anı belə xatırlayıb: "Qapı ilə aramda məsafə çox idi. Adətən həmin məsafələrdən oyunçular qapıya zərbə vurmağa cəhd etmir. Mən isə bir anlıq düşünərək rəqib qapıçı Rene Adleri təəccübləndirmək qərarına gəldim. Deyərdim ki, azacıq bəxtim gətirmədi. Fikrimcə, cavab görüşündə mənim də qol vurmaq istəyim baş tutacaq".
Dmitri komanda yoldaşı Dominik Pietzerin sarı vərəqə alaraq cəzalı duruma düşməsi məqamına da toxunub: "Pietzer komandamız üçün olduqca vacib, xüsusilə, hava toplarında çox lazımlı futbolçudu. Ancaq əminəm ki, baş məşqçimiz Dominikin yerini dolduracaq oyunçunu mütləq tapacaq. Cavab oyununa gəlincə, təkbətək mübarizələrdə daha aqressiv, müdafiədə diqqətli olmalıyıq. Hücumlarda isə ələ düşən imkanlardan maksimum yararlanmalıyıq. Bunun üçün potensialımız da var. Azarkeşlərimiz də bizə inanır. Məşqlərimizdə çox sayda tərəfdarlar olur. Şəhərin hər tərəfindən bizi dəstəkləyirlər. Artıq cavab qarşılaşması üçün bütün biletlər satılıb qurtarıb. Təbii ki, bu amilin özü bizim üçün əlavə motivasiyadı".
"Karlsrue"nin bir neçə üzvü hələ bir müddət əvvəldən komanda Bundesliqaya yüksələnə qədər üzlərini qırxmayacaqlarına söz vermişdilər. Həmin futbolçulardan biri də Nazarovdu. Dmitri məsələyə belə münasibət bildirib: "Təxminən 4 həftədi ki, saqqalımı qırxmıram. Artıq xeyli çoxalıb. Qısası, iyunun 1-də saqqalımı qırxma bilsəm, çox şad olacam. Yeri gəlmişkən, bu oyun bitdikdən sonra mənim istirahət üçün vaxtım olmayacaq. Belə ki, “Hamburq”la oyundan sonra Azərbaycan yığma komandasının heyətinə qoşulacam. Qarşıda Avstriyada Serbiya yığması ilə yoldaşlıq, Osloda isə Norveç millisi ilə Avro-2016-nın seçmə mərhələsinin oyunu var".
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…