I Liqa
Kamal Quliyev: “Futbolçuların yanında yalançı çıxdım”
Futbol üzrə Azərbaycan çempionatının 1-ci divizionun q…
Futbol üzrə Azərbaycan çempionatının 1-ci divizionun qalibi olan “Neftçala” elitada çıxış etmək üçün lisenziya ala bilmədi. Əyalət təmsilçisi bunun üçün ən azı 1 il gözləməli, yenidən geridə qalan mövsümdəki uğuru təkrarlamalıdı. Məsələ burasındadı ki, çempionun özü də hələlik elitada çıxış etməklə bağlı məsələni unudub.
Bunu saytımıza açıqlamasında “Neftçala”nın çalışdırıcısı Kamal Quliyev deyib: “Hələ ki, gözləyirik. Təəssüflə demək istəyirəm ki, Premyer Liqa məsələsini yaddan çıxardıq. futbolçuların yanında yalançı çıxdım. Onlar heç kimə lazım olmayan futbolçular idi. Bataqlıqda mübarizə aparırdılar. Çıxış yolları məşq edib, elitada oynamaq idi. Onları bu yöndə hazırlamışdım. Azərbaycana gənc və potensiallı futbolçular qazandıra bilərdik. Buna çox təəssüf edirəm. “Neftçala”nın elitaya çıxmaması ölkə futbolunda yeni adların peydə olmaması ilə nəticələndi. Bir yerdə məqsəd yoxdusa, orada işləmək həqiqətən də mənasızdı. Amma bu uşaqları dağıtmaq günah olar. Komandanı saxlayıb, yenidən çempion olub elitaya vəsiqə qazanmaq istəyirik. Qoy, görsünlər ki, biz boş-boş danışmırıq. Buna görə də klub rəhbərliyi ilə bir araya gəlib yenidən müzakirə aparacağıq”.
“Neftçala” çempion olmasına baxmayaraq, Premyer Liqaya lisenziya əldə edə bilmədi. Yenidən əziyyət çəkməyin nə mənası var?” sualını isə gənc çalışdıcırı belə cavablandırdı: “İndi mən bu suala cavab istəyirəm. Ki, yenidən bu işi görəsi olsam, gələn mövsüm eyni aqibətlə üzləşməyəcəyik? Bu sualıma cavab verən olsa… Yaxınlarda AFFA-nın baş katibi Elxan Məmmədovla görüşdüm. Sağ olsun, məni yaxşı şəkildə qarşıladı. Lisenziya ilə bağlı işlərimizə yaxından köməklik edəcəyini bildirdi. Mən də baş katibə “Elxan müəllim, biz əgər komandanı saxlayıb, gələn mövsüm çempion olsaq, Premyer Liqada çıxış edə biləcəyik?” sualını verdim. O da “əlbəttə, elitada çıxış edə bilərsən, istərdim bu uğuru yenidən təkrarlayasız” cavabını verdi. Bu da mənə böyük ümid verdi. Klub rəhbərliyi ilə görüşəndə də bu suala cavab almaq istəyirəm. Uşaqların xətrinə burada qalmaq istərdim. Adam tikdiyi binanı necə yıxsın axı?”
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-15 08:00
Hakim kömək etmədi, “Səbail” yenə qələbəsiz qaldı
- Ölkə futbolu2024-04-15 10:17
“Qarabağ” üçün daha iki potensial rəqib
- Ölkə futbolu2024-04-15 10:03
Musanın oynamamasının səbəbi – baş məşqçi açıqladı