Əvəzedicilər
"Simurq"un baş məşqçisi "Zirə"yə keçir
Növbəti mövsümdə Premyer Liqada debüt edə…
Növbəti mövsümdə Premyer Liqada debüt edəcək “Zirə” bu yöndə çalışmalarını davam etdirir. Futbolinfo.az xəbər verir ki, böyük ölçüdə bakılıların əvəzedici komandasının baş məşqçisinin kimliyinə də aydınlıq gəlib.
Bu, son illərdə “Simurq”un əvəzedicilərini çalışdıran və yetərincə uğurlu qrafik cızan Rövşən Babayevdi. Bizdə olan bilgiyə görə, məşqçi ilə 1 illik müqavilə imzalanması gözlənilir. Saytımıza açıqlama verən 39 yaşlı çalışdırıcının özü də xəbəri təsdiq edib:
“Hazırda “Zirə” ilə danışıqlar davam edir. İlkin razılıq olunsa da, hələ ki, müqavilə imzalanmayıb. Bu gün "Simurq" rəhbərliyindən mənə cavab veriləcək. "Zirə" rəhbərliyi ilə danışıqlardan sonra müqavilənin detalları müzakirə edəcəyik. Axşama kimi mənə vaxt verilib. Əgər "Simurq" rəhbərliyindən bir xəbər çıxmasa, 99 faiz "Zirə"yə keçidim reallaşacaq. Əgər bu keçid reallşsa, çalışacam ki, 3 ildi mənimlə çiyin-çiyinə işləyən məşqçiləri də özümlə aparım. Bundan əlavə "Simurq"dan tanıdığım futbolçuları da özümlə aparmaq niyyətindəyəm”.
Qeyd edək ki, Babayev “Simurq”un əvəzedicilərinə 2012-ci ildən rəhbərlik edir. O, 2011-ci ildən UEFA “A” kateqoriyasına sahibdi. Zaqatala təmsilçisinə qədər isə “İnter”in U-10 komandasına rəhbərlik edib. Bundan əvvəl isə məşqçi 2007-2009-cü illər ərzində o vaxtkı “Olimpik”, indiki AZAL-ın əvəzedicilərini çalışdırıb. Maraq üçün onu da bildirək ki, Premyer Liqanın geridə qalan mövsümünün son turunda “Simurq”un əsas komandasını da “Xəzər Lənkəran” qarşısına Rövşən Babayev çıxarmışdı. Buna isə əsas komandanın məşqçilərinin maaşlarını ala bilməməsi üçün vaxtından əvvəl “Simurq”u tərk etməsi səbəb göstərilirdi.