Ölkə futbolu
Yaşıl boya isveçrəliləri də təəccübləndirdi – VİDEO
Bu gün Azərbaycan çempionu "Qarabağ" Avropa Li…
Bu gün Azərbaycan çempionu "Qarabağ" Avropa Liqasının pley-off mərhələsinin cavab oyunu çərçivəsində evdə İsveçrənin "Yanq Boyz" klubu ilə qarşılaşacaq. Futbolinfo.az xəbər verir ki, matçın keçiriləcəyi Tofiq Bəhramov adına Respublika stadionu isə biabırçı vəziyətdədi.
Belə ki, meydança, demək olar ki, əvvəlki oyundakı kimidi və qazonun bərbad vəziyyətdə olan yerləri yaşıl rənglə boyanıb. Bu vəziyyət isveçrəlilərin də diqqətindən yayınmayıb. Klub saytı məşq zamanı futbolçulardan açıqlama alarkən, meydançanı, xüsusilə də qazonun daha pis durumda olan və rənglənən yerlərini lentə alaraq, sözügedən portalda və "Facebok" sosial şəbəkəsində yayıb. Hətta həmin görüntülərlə bağlı azərbaycanlı istifadəçilər də şərh yazaraq, bu biabırçı durumu məzhəkəyə qoyublar.
Maraq üçün onu da əlavə edək ki, Respublika stadionunda olduğu kimi, "Bakcell Arena"nın meydançası da FSM (Football and Sport Management) şirkətinə həvalə olunub. Bu şirkət ötən il bərbad vəziyyətdə olan "Bakcell Arena"nın qazonunu da boyamışdı. Bu səbəbdən də millimizin oyununda biabırçı mənzərə yaranmışdı – meydanda yıxılan futbolçuların formaları da eyni gəngə boyanmışdı.