Ölkə futbolu
“Qəbələ”nin planı açıqlandı: Qriqorçuk sabiq komandasına qarşı
“Qəbələ”nin Topaz Premyer Liqasında yaranan fasilə d&…
“Qəbələ”nin Topaz Premyer Liqasında yaranan fasilə dövründəki hazırlıq planı müəyyənləşib. Futbolinfo.az xəbər verir ki, UEFA Avropa Liqasının pley-off mərhələsindən “Panatinaikos”la (Yunanıstan) avqustun 27-də keçirilən cavab oyunundan (2:2) sonra istirahətə buraxılan futbolçular sentyabrın 1-də bir araya gələcək.
Roman Qriqorçukun yetirmələri həmin gün təlim-məşq toplanışı üçün Ukraynaya yollanacaq. Qəbələlilər Odessa şəhərində 6 gün hazırlıq keçəcək. Sentyabrın 7-də Azərbaycana qayıdacaq “qırmızı-qaralar”ın Ukrayna toplanışı çərçivəsində yoxlama oyunu keçirməsi planlaşdırılıb. Təmsilçimiz sentyabrın 6-da Qriqorçukun sabiq komandası “Çernomorets”lə (Ukrayna) qarşılaşacaq.
“Qəbələ” təlim-məşq toplanışına tam heyətlə yollanmayacaq. Belə ki, milli komandaların düşərgəsində olan futbolçular hazırlıqlarda iştirak edə bilməyəcək. Arif Daşdəmirov, Məhəmməd Mirzəbəyov, Rəşad Sadiqov və Elvin Camalov Azərbaycan, Ermin Zets Bosniya və Herseqovina, Sergey Zenyov Estoniya millisinin düşərgəsindədi.
Xatırladaq ki, “qırmızı-qaralar” yığmaların oyunları ilə əlaqədar yaranan fasilədən sonra ilk qarşılaşmasını sentyabrın 13-də keçirəcək. “Qəbələ” Topaz Premyer Liqasının IV turunda səfərdə “İnter”lə görüşəcək.
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…