Ölkə futbolu
Təmsilçilərimiz Nyondan qayıtdı: “Çox səmərəli tədbir idi”
Bir neçə gün öncə UEFA-nın Nyondakı mənzil-qəra…
Bir neçə gün öncə UEFA-nın Nyondakı mənzil-qərargahında avrokuboklarda mübarizəsini davam etdirən klubların mətbuat xidmətlərinin forumu baş tutub. Tədbirdə ölkəmizi klublarında həmin vəzifəni icra edən “Qəbələ”dən Anar Hacıyev, “Qarabağ”dan Nurlan İbrahimov təmsil edib.
Tədbirin əsas məqsədi və müzakirə olunan mövzular haqqında Hacıyev futbolinfo.az saytına danışıb: “Bu foruma avrokuboklarda iştirak edən klubların mətbuat nümayəndələri dəvət alımışdı. Bir neçəsi xaric hamısı tədbirdə iştirak etdi. Forum arıtq 4-cü dəfə keçirilirdi. İştirakçıların bütün xərcləri UEFA tərəfindən qarşılandı. Bir gün ərzində – səhərdən axşamadək media nümayəndələri bir yerdə olduq. Konfransın açılışını UEFA-nın Media və ictimaiyyətlə Əlaqələr Departamentinin rəhbəri Pedro Pinto etdi. Forumun keçirilməsində əsas məqsəd klubların mətbuaxt xidmətlərinin hamısını bir yerə yığmaq və münasibətlərin qurulmasına kömək etmək, klubların media ilə bağlı problemlərinin həll olunması və müxtəlif lahiyələrin həyata keçirilməsinə dəstək olmaq idi. Bundan başqa, oyunöncəsi və sonrası yayımın tələblərinin yerinə yetirilməsi, onlara dəstək olunması və klubların sosial şəbəkələrdə işləri ilə bağlı da çıxışlar oldu. UEFA-nın media üzrə mütəxəssisi və konfransın əsas təşkilatçılarından olan Cim Aqnyu isə yeniliklərdən danışdı. Həmçinin, UEFA tərəfindən klublar haqqında verlişlərin çəkilməsi də planlaşdırılır və bu haqda da müəyyən danışıqlar aparıldı. UEFA-nın İnformasiya və Kompüter texnologiyası departamentinin rəhbəri Daniel Marion Avropa futbolunda texnoloji inkişaf mövzusunda çıxış etdi. Ardınca, görülən işlərlə əlaqədar bir neçə videorolik nümayiş olundu. Futbol qurumun təkcə böyük yox, kiçik komandalarla da bağlı lahiyələri videoçarxlarda öz əksini tapmışdı. Tədbirdə ilk dəfə iştirak edən klub nümayəndələri də oldu. Onlarla ayrılıqda da söhbətlər olundu”.
Hacıyev həmçinin, Avropa Liqasının qrup mərhələsində “Qəbələ” ilə eyni qrupda olan komandaların media nümayəndələri ilə də görüşüb: “Avropa Liqasında yer aldığımız klubların media nümayəndələri ilə də görüşmək imkanımız oldu. Onlarla bəzi məsələrləri qısa da olsa, müzakirə etdik və bir-birimizlə əlaqə saxlamaq üçün koordinatlarımızı verdik”.
Yekunda isə bu cür tədbirlərin hansı tezliklə keçirilməsi haqqında müzakirələr aparılıb: “Tədbirin yekununda eyni anda AÇSO çərçivəsində keçirilən bütün qarşılaşmalara eyni anda baxmaq imkanımız oldu. Sonra bu cür tədbirlərin hansı tezlikdə keçirilməsi müzakirə olundu. Tövsiyyə edildi ki, ildə minimum 2 dəfə baş tutsun”.
“Qarabağ”ın mətbuat xidmətinin rəhbəri Nurlan İbrahimov isə İsveçrədəki toplantı ilə bağlı bunları danışıb: “Tədbir 4-cü dəfədi ki, təşkil olunur. Səhv etmirəmsə, ilk dəfə idi ki, Azərbaycandan kimsə təmsil olunurdu. Orada bir çox mövzularda müzakirələr aparıldı. UEFA klubların yanında olmaq və təşkilatçılıq funksiyalarını almaq istəyir. Burda da əsas məsələ media işinin və klubun mətbuat nümayəndələrinin səlahiyyətində olan məsələlərin qurulmasıdı. Eyni zamanda təkmilləşdirmə ilə bağlı da müzakirələr oldu. Ümumi götürsək, həm inteqrasiya, həm də digər yeniliklərin öyrənilməsi baxımından çox səmərəli tədbir idi”.
İbrahimov da Avropa Liqasının qrup mərhələsindəki rəqiblərinin mətbuat xidmətlərinin rəhbərləri ilə görüşdüyünü bildirib: “Tədbirdə iştirak edənlər avrokuboklarda yer aldıqları qruplara əsasən bölünümüşdü. Mənim yanımda “Tottenhem” , “Anderlext” və “Monako” nümayəndələri yer almışdı. Hər 3 klubun nümayəndəsi də tədbirdə iştirak edirdi. Hətta “Anderlext”in mətbuat katibi məşhur televiziyaçıdı. UEFA ondan müsahibə də götürdü. Öz aramızda təşkilatçılıq, mətbuat konfranslarının vaxtı və tərcüməçiliklə bağlı söhbətlərimiz oldu”.
ELMAR ABDULLA-ZADƏ
- Ölkə futbolu2024-05-06 10:08
“Dinamo” Mahiri satmaq istəyir, amma…
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”