Premyer-liqa
"Qarabağ" üçün məcburi yerdəyişmə, Sumqayıtda ilk
Sabah Topaz Premyer Liqasında 4-cü tura start veriləcək. Futbo…
Sabah Topaz Premyer Liqasında 4-cü tura start veriləcək. Futbolinfo.az xəbər verir ki, 2 gün ərzində baş tutacaq qarşılaşmalardan 3-ü paytaxtda, digərləri isə əyalətdə keçiriləcək.
İlk start fiti Gəncədə səslənəcək. “Kəpəz” doğma azarkeşləri qarşısında AZAL-ı sınağa çəkəcək. Cari çempionatda parlaq oyun göstərsə də, hələ ki, qələbə qazana bilməyən meydan sahibləri “təyyarəçilər”lə qarşılaşmada uğursuz seriyaya son qoya bilər. Elə rəqib də "sarı-göylər"in dişinə görədi. Tərlan Əhmədovun yetirmələri cari çempionatda qolsuz və xalsız qalan tək komandadı. Tərəflər indiyədək 12 dəfə qarşılaşıblar. Bu görüşlərin 1-də Gəncə təmsilçisi, 9-da isə şüvəlanlılar meydanı 3 xalla tərk edib. 2 matçda isə bərabərlik qeydə alınıb. Qərblilərin vurduğu 5 qola paytaxt təmsilçisi 22-i ilə cavab verib.
Bundan 4 saat sonra isə diqqətlər Bakıya yönələcək. “İnter” doğma arenada “Qəbələ” ilə üz-üzə gələcək. Qonaq komanda şərikli liderliyini davam etdirmək üçün bu oyunda da 3 xala ehtiyacı var. “Bankirlər” isə meydanı 3 xalla tərk edib, avrokuboklara vəsiqə verən 4-cü pillədə qərarlaşmaq fikrindədi. Bunun üçün də hazırda həmin mövqedə qərarlaşan “Zirə” Sumqayıtda xal itiriməlidi. “Qəbələ”nin şərəfini qoruyan Arif Daşdəmirov, Asif Məmmədov və Məhəmməd Mirzəbəyov əyalət təmsilçisinə “İnter”dən keçdiyini nəzərə alsaq, bu qaşılaşma onlar üçün də əlamətdardı. Adıçəkilən komandalar isə indiyədək 28 matçda üzləşiblər. Bakılılar 9, “qırmızı-qaralar” isə 5 dəfə qələbə sevinci yaşayıb. Digər 6 matç isə heç-heçə başa çatıb.
Günün son oyunu isə "Dalğa Arena"da baş tutacaq. Tofiq Bəhramov adına Respublika stadionu yararsız hala düşdüyü üçün “Qarabağ” Mərdəkanda nominal ev sahibi qismində “Xəzər Lənkəran”ı qəbul edəcək. Son 2 ilin çempionunu bu qarşılaşmada favorit saymamaq olmaz. Məlum cəzaya görə, yeni transferlərini sentyabrda meydana buraxacağı gözlənilən cənublular hazırda FİFA-dan bu barədə məktub gözləyir. Əgər bu baş verərsə, onlar bir neçə futbolçunun da xidmətindən yararlanıb, “atlılar”la görüşdə uğura ümid edə bilər. Komandalar arasında baş tutan 32 qarşılaşmanın 15-də Ağdam təmsilçisi, 12-də isə “ağ-yaşıllar” qalib gəlib. 5 matçda isə tərəflər meydandan 1 xalla ayrılıb.
Cari turun ikinci və son günündə isə Sumqayıtda start fiti eşidiləcək. Şəhərin eyhi adlı komandası “Zirə”ni qonaq edəcək. Ötən turdakı “Neftçi” məğlubiyyətindən sonra futbolçularının çıxışından narazı qalan “kimyaçılar”ın baş məşqçi Aqil Məmmədovun komandada nə kimi dəyişiklilər edəcəyi maraqlıdı. “Qaratallar” isə debütant olsa da, hələ də Premyer Liqada məğlubiyyətsiz irəliləyir. Onların bu turda da ən azı 1 xal qazanması sürpriz sayılmaz. Zirəlilər ölkə çempionatının debütantı olduğunundan bu oyun trərəflər arasında baş tutacaq ilk qarşılaşma olacaq.
Turun son qarşılaşması isə Bayılda keçiriləcək “Neftçi” səfərdə digər paytaxt təmsilçisi "Rəvan"la üz-üzə gələcək. Meydan sahiblərinin əsas hədəfi 1 xaldısa, son vaxtlar başı qalmaqallardan açılmayan Samir Əliyevin komandası isə mütləq 3 xalı düşünməlidi. Meydan sahibləri qalib gəlsə, turnir cədvəlində “Neftçi”ni üstələmək şansı yaxalayacaq. Bakılılar indiyədək 8 dəfə üz-üzə gəlib. Bu oyunlarda qələbə sayında “sarı-qırmızılılar” rəqibindən açıq aşkar geri qalır – 1:7. “Rəvan”ın vurdğu 4 qol isə “ağ-qaralar” 11-i ilə cavab verib.
Topaz Premyer Liqası
4-cü tur
4-cü tur
12 sentyabr (şənbə)
16:00. “Kəpəz” – AZAL
Hakimlər: Fariz Yusifov, Coşqun Həsənov, Azər Əsgərov, Rza Məmmədov
Əlavə köməkçi hakimlər: Rauf Cabbarov, Xəlil Xəlilov
AFFA nümayəndəsi: Şaiq Həmidov
Hakim-inspektor: Əli Hüseynov
Gəncə şəhər stadionu
Hakimlər: Fariz Yusifov, Coşqun Həsənov, Azər Əsgərov, Rza Məmmədov
Əlavə köməkçi hakimlər: Rauf Cabbarov, Xəlil Xəlilov
AFFA nümayəndəsi: Şaiq Həmidov
Hakim-inspektor: Əli Hüseynov
Gəncə şəhər stadionu
20:00. “İnter” – “Qəbələ”
Hakimlər: Rəhim Həsənov, Munis Abdullayev, Vüqar Bayramov, Rəvan Həmzəzadə
AFFA nümayəndəsi: Vaqif Davudov
Hakim-inspektor: Gülağa Cabarov
“İnter Arena”
Hakimlər: Rəhim Həsənov, Munis Abdullayev, Vüqar Bayramov, Rəvan Həmzəzadə
AFFA nümayəndəsi: Vaqif Davudov
Hakim-inspektor: Gülağa Cabarov
“İnter Arena”
20:30. “Qarabağ” – “Xəzər Lənkəran”
Hakimlər: Ramil Diniyev, Vüsal Qənbərov, İsgəndər Əliyev, Nail Nağıyev
AFFA nümayəndəsi: Ramiz Mustafayev
Hakim-inspektor: Rövşən Əhmədov
“Dalğa Arena”
Hakimlər: Ramil Diniyev, Vüsal Qənbərov, İsgəndər Əliyev, Nail Nağıyev
AFFA nümayəndəsi: Ramiz Mustafayev
Hakim-inspektor: Rövşən Əhmədov
“Dalğa Arena”
13 sentyabr (bazar)
19:00. “Sumqayıt” – “Zirə”
Hakimlər: Orxan Məmmədov, Yaşar Abbasov, Kamran Bayramov, Ziya Nəsirov
AFFA nümayəndəsi: Eldar Qasımov
Hakim-inspektor: Melik Həsənov
"Kapital Bank Arena"
Hakimlər: Orxan Məmmədov, Yaşar Abbasov, Kamran Bayramov, Ziya Nəsirov
AFFA nümayəndəsi: Eldar Qasımov
Hakim-inspektor: Melik Həsənov
"Kapital Bank Arena"
21:00. “Rəvan” – “Neftçi”
Hakimlər: Əliyar Ağayev, Zeynal Zeynalov, Akif Əmirəli, Nahid Əliyev
Əlavə köməkçi hakimlər: Elvin Əsgərov, Ömər Paşayev
AFFA nümayəndəsi: Elbrus Abbasov
Hakim-inspektor: Vüsal Əliyev
“Bayıl Arena”
Hakimlər: Əliyar Ağayev, Zeynal Zeynalov, Akif Əmirəli, Nahid Əliyev
Əlavə köməkçi hakimlər: Elvin Əsgərov, Ömər Paşayev
AFFA nümayəndəsi: Elbrus Abbasov
Hakim-inspektor: Vüsal Əliyev
“Bayıl Arena”
- I Liqa2024-05-17 08:00
“Şamaxı”… Qayıdır axı…
- Premyer-liqa2024-05-17 22:21
“Qarabağ” “Turan Tovuz”a qalib gəldi
- Ölkə futbolu2024-05-17 11:12
Vaqner Silva: “Avropada “Qarabağ”dan qorxurlar”
- Müsahibə2024-05-16 14:00
“Niderlandda gördüklərimizi həm akademiyamızda, həm də əsas komandamızda tətbiq etməyə çalışacağıq”