Ölkə futbolu
Ruslan Abışovla Vüqar Nadirov “İnter”ə, Rəşad Eyyubov “Zirə”yə gedir
Məlumunuzdur ki, FİFA “Xəzər Lənkəran”ı yenə &ldqu…
Məlumunuzdur ki, FİFA “Xəzər Lənkəran”ı yenə “vurdu”. Daha doğrusu, “Xəzər Lənkəran” öz əməlləri ilə FİFA-nı buna məcbur etdi. Artıq neçənci dəfədir ki, hansısa futbolçu klubdan ali futbol qrumuna müraciət edir, nəticədə mütəmadi olaraq, klub cəzalandırılır.
İndi isə məsələ daha qəlizdir. Klub cəzasının bitdiyini zənn edib, bir çox oyunçunu heyətinə cəlb etsə də, qara xəbər yenə yaxında idi. Məsələ burasındadır ki, klub dekabra qədər futbolçu transfer edə bilməz. Belə olan halda, “Xəzər Lənkəran”ın yeni oyunçularının halı necə olacaq? Konkret olaraq, Azərbaycan milli komandasının üzvləri Vüqar Nadirov, Ruslan Abışov və Rəşad Eyubov hansı addımı atacaqlar? Bu məsələləri müzakirə edəcəyik…
Ruslan Abışov
“Qəbələ”də ehtiyatda oturmaq istəməyən Ruslan Abışov vaxtilə bir dəfə baş çəkdiyi “Xəzər Lənkəran”da oynamağı üstün tutdu. Amma bu, ona milli komandadakı yerini itirmək bahasına başa gəldi. Xorvatiya və Malta ilə oyunlarda əsas heyətdə meydançaya çıxmayan Ruslana qayıtmaq üçün əsl adrenalin lazımdır. Zənnimizcə, Ruslan oturub dekabrı gözləməyəcək.
“Qəbələ”də ehtiyatda oturmaq istəməyən Ruslan Abışov vaxtilə bir dəfə baş çəkdiyi “Xəzər Lənkəran”da oynamağı üstün tutdu. Amma bu, ona milli komandadakı yerini itirmək bahasına başa gəldi. Xorvatiya və Malta ilə oyunlarda əsas heyətdə meydançaya çıxmayan Ruslana qayıtmaq üçün əsl adrenalin lazımdır. Zənnimizcə, Ruslan oturub dekabrı gözləməyəcək.
Bizdə olan məlumata görə, Abışov paytaxt klublarının birində oynaya bilər. Çox adam düşünür ki, Abışov yetişdiyi “Neftçi”yə qayıdacaq. Amma məsələ başqa cürdü. Belə ki, həm mərkəz müdafiəçisi, həm də dayaq yarımmüdafiəçisi kimi oynayan Ruslan Abışov bundan sonra “İnter”in uğurları üçün çalışsa, təəccüblənməyin.
Rəşad Eyyubov
“Simurq”un formasını geyinən zaman komandanın əsas qol silahlarından sayılan və milli komandaya qədər yüksələn Rəşad Eyyubovun “Zirə”də oynamaq ehtimalı böyükdür. Bizdə olan məlumata görə, istək qarşılıqlıdır. Eyyubov “Zirə”də oynamağın, “Zirə” isə onu gətirməyin əleyhinə deyil. Baş məşqçi Adil Şükürov həm yarımmüdafiəçi, həm də hücumçu mövqeyində oynamağı bacaran Rəşadla münasibətlərin tez bir zamanda rəsmiləşdirilməsini istəyir.
“Simurq”un formasını geyinən zaman komandanın əsas qol silahlarından sayılan və milli komandaya qədər yüksələn Rəşad Eyyubovun “Zirə”də oynamaq ehtimalı böyükdür. Bizdə olan məlumata görə, istək qarşılıqlıdır. Eyyubov “Zirə”də oynamağın, “Zirə” isə onu gətirməyin əleyhinə deyil. Baş məşqçi Adil Şükürov həm yarımmüdafiəçi, həm də hücumçu mövqeyində oynamağı bacaran Rəşadla münasibətlərin tez bir zamanda rəsmiləşdirilməsini istəyir.
Vüqar Nadirov
“Qarabağ”ın təklif etdiyi aşağı məbləğli müqaviləyə qol çəkməyib vaxtilə yaxşı günlər yaşadığı “Xəzər Lənkəran”a qayıdan 17 nömrə də indi öz başına əlac qılmalıdır. Sözsüz, hazırda Nadirov üçün Azərbaycanda klub tapmaq elə də çətin məsələ deyil. Amma vaxtilə “Qarabağ”ın 150 min dollarlıq müqavilə təklifini qəbul etməyən Nadirova indi ən azından onu verə biləcək qədər varlı klub varmı? Çətin məsələdir. Bizdə olan məlumata görə, Nadirovun “Qəbələ”də oynamaq şansı az da olsa var. Amma hazırda real variant “İnter”dir.
“Qarabağ”ın təklif etdiyi aşağı məbləğli müqaviləyə qol çəkməyib vaxtilə yaxşı günlər yaşadığı “Xəzər Lənkəran”a qayıdan 17 nömrə də indi öz başına əlac qılmalıdır. Sözsüz, hazırda Nadirov üçün Azərbaycanda klub tapmaq elə də çətin məsələ deyil. Amma vaxtilə “Qarabağ”ın 150 min dollarlıq müqavilə təklifini qəbul etməyən Nadirova indi ən azından onu verə biləcək qədər varlı klub varmı? Çətin məsələdir. Bizdə olan məlumata görə, Nadirovun “Qəbələ”də oynamaq şansı az da olsa var. Amma hazırda real variant “İnter”dir.
Sözsüz ki, bütün bunlar variantlardır. Reallaşması isə ilk növbədə “Xəzər Lənkəran”la aparılan iki və daha çoxtərəfli danışıqlardan asılıdır.
TİMUÇİN