Milli komanda
Millimiz üçün son şans
Sabah Avropa Çempionatının seçmə oyunları çə…
Sabah Avropa Çempionatının seçmə oyunları çərçivəsində 21 yaşlılardan ibarət Azərbaycan millisi rusiyalı həmyaşıdları ilə qarşılaşacaq. Bakıda keçiriləcək matçı qrupun indiki durumuna görə 4-cü yer uğrunda mübarizə kimi saymaq olar.
Belə ki, hazırda hər millinin aktivində 3 xal olsa da şimallılar, topların daha yaxşı fərqinə görə 4-cü mövqedədi. Cari seçmə mərhələdə 6 oyuna çıxan Yaşar Vahabzadənin yetirmələrindən fərqli olaraq, ruslar 3 görüşdə qüvvəsini sınayıb. Hər iki komanda qrupdakı yeganə qalibiyyətini autsayder Farer adaları üzərində qazanıb. Bu oyundakı məğlubiyyət komandamızın qrupda qalmasını rəsmiləşdirə bilər.
Ümumiyyətlə, son 5 oyunun hamısında məğlub olan komandamızın vəziyyəti heç də ürəkaçan deyil. Hətta Avstriyada yığmamız 0:7 hesabı ilə məğlub olandan sonra bununla bağlı AFFA-da toplantı keçirildi və baş məşqçi məzəmmət edildi. Lakin buda fayda vermədi. Komandamız yenə də xal qazanmaqda acizdi.
18:00. Azərbaycan (U-21) – Rusiya (U-21)
Hakimlər: Eytan Şumelvitz, Nissan Davidi, Roy Hassan, Ziv Adler (hamısı İsrail)
“Bayıl Arena”
Hakimlər: Eytan Şumelvitz, Nissan Davidi, Roy Hassan, Ziv Adler (hamısı İsrail)
“Bayıl Arena”