Premyer-liqa
"Xəzər Lənkəran" da Müşahidə Şurası yaradır
Topaz Premyer Liqası klublarında yaradılan Müşahidə Şurala…
Topaz Premyer Liqası klublarında yaradılan Müşahidə Şuralarının sayı artır. “Neftçi”, “Sumqayıt” və “Kəpəz”dən sonra daha bir neçə klubda bu yöndə əməli addımlar atılıb.
“Qəbələ”, “Qarabağ” və “Zirə” bu baxımdan yenilik etməyib. Belə ki, onlar sadəcə, indi klubda olan müxtəlif vəzifəli şəxsləri şurada toplayıb və formal qurum yaradıblar ki, AFFA-nın tələblərinə əməl etdiklərini göstərsinlər. “Rəvan” və “İnter” hələ bu çatışmazlığı aradan qaldırmayibsa, AZAL-dakı durum hamı üçün sirlidi. Maddi cəhətdən çətinlik yaşayan “Xəzər Lənkəran” isə artıq əməli addım atmağa hazırlaşır.
Əldə etdiyimiz məlumata görə, klubun fəxri prezidenti Mübariz Mənsimovun “Xəzər Lənkəran”ın maddi problemlərini qarşılaya bilməməsindən sonra cənublular maraqlı təklif alıb. Belə ki, AFFA belə bir əyalət klubunun çempionatda qalmasında maraqlı olduğundan onlara yardım təklif edib. Assosiasiya “Sumqayıt” və “Kəpəz” kimi “Xəzər Lənkəran”a da yaşamaq üçün müəyyən qədər vəsait ayırmaq niyyətindədi. Ancaq bunun üçün Mənsimov klubun idarəçiliyini AFFA-nın seçdiyi şəxslərə təhvil verməlidi.
Artıq plan yerinə yetirilməkdədi. Gələn xəbərlərə inansaq, klubun Müşahidə Şurası yaradılıb, amma hələ elan edilməyib. AFFA-nın təyin etdiyi insanların toplaşacağı Müşahidə Şurasında “Xəzər Lənkəran”ın indiki prezidenti Mais Mənsimova da yer olmayacaq. Yalnız vitse-prezident Tuyqun Nadirov icraçı direktor kimi yeni kollektivdə də təmsil olunacaq. Klub AFFA-nın himayəsində olan digərləri kimi yalnız çempionatda say düzəldəcək və hər hansı ciddi iddiası olmayacaq.
Xəbəri dəqiqləşdirmək üçün Nadirovu arasaq da, o, həmişəki kimi, zənglərimizi cavabsız qoydu.
- Milli komanda2024-05-03 08:00
Vay(ss) bizim halımıza?
- Ölkə futbolu2024-05-02 08:00
Bir aylıq istirahətin şərəfinə… Balaşın ariyası
- Müsahibə2024-05-02 15:51
Dodo “Qəbələ”yə kömək etmək istəyir: I Liqada da oynamağa hazırdır
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə