Ölkə kuboku
Tovuzda ilk duel, paytaxtda "keçilməz qala"
Sabah Azərbaycan Kubokunun 1/8 final mərhələsi çərç…
Sabah Azərbaycan Kubokunun 1/8 final mərhələsi çərçivəsinin oyunları keçiriləcək. Futbolinfo.az xəbər verir ki, bir oyunluq olan cari mərhələnin qarşılaşmaları 2 gün ərzində baş tutacaq.
İlk qarşılaşma “Turan Tovuz” və “İnter” arasında baş tutacaq. Tovuz şəhər stadionunda keçiriləcək matçın favoriti bakılılardı. Bu görüş Tovuz təmsilçisinin yenicə qurulmuş Müşahidə Şurasının rəhbərliyi altında ilk oyunu olacaq. Həmçinin, qarşılaşma tərəflərin ölkə kuboku çərçivəsində ilk duelidi.
Bu qarşılaşma ilə eyni vaxtda Neftçalada start fiti səsfənəcək. Şəhərin eyni adlı komanda “Sumqayıt”ı qonaq edəcək. Premyer Liqanın zəiflərindən olan “kimyaçılar”ı 1-ci divizionun ən güclüsü ilə görüşdə favorit saymaq olar. Matç ölkə çempionatında 4 oyundu qalib gələ bilməyən qonaqlar üçün dönüş nöqtəsi ola bilər.
Paytaxt derbisində isə AZAL öz meydanında “Zirə”ni qəbul edəcək. Bu görüşdə hansısa komandanın adını favorit kimi çəkmək çətindi. Səviyyə baxımdan qonaqlar rəqibini üstələsə də, Tərlan Əhmədovun komandası cari mövsümdə “AZAL Arena”nı alınmaz qalaya çevirib. Şüvəlan təmsilçisi bu il doğma meydanda keçirdiyi heç bir görüşdə rəqiblərinə məğlub olmayıb.
Tarixinin ən pis günlərini yaşayan “Xəzər Lənkəran” isə “Kəpəz”i qonaq edəcək. Yarımcan heyətə malik meydan sahibləri cütün zəif tərəfi kimi görünür. Cənublularda oyunçu qıtlığı azmış kimi, bir neçə futbolçunun da zədəli olması, onların gəncəlilər qarşısında şanslarını daha da azaldır.
Bir vaxtlar ölkənin ən güclü komandaları sırasında olan “Şəmkir” səfərdə “Qarabağ”la üzləşəcək. İkiqat ölkə çempionlarının Ağdam təmsilçisi ilə görüşdə qalib gələcəyinə yəqin ki, “ağ-qırmızılar”ın ən sadiq azarkeşləri də inanmır. Çox güman ki, görüş qonaqların cari ölkə kubokunda son oyunu olacaq.
Günün ən prinsipial matçı isə “Neftçi” və “Qaradağ Lökbatan” arasında keçiriləcək. Qarşılaşmanı bu qədər əhəmiyyətli edən isə 1-ci divizion təmsilçisinin qeyri-rəsmi sahibinin Sadıq Sadıqovun olmasıdı. Cüdo Federasiyasının da vitse-prezidenti olan Sadıq bəy vaxtilə “ağ-qaralar”ın prezidenti, sonra isə Müşahidə Şurasının üzvlərindən biri olub. Sadıqovun köhnə-yeni komandalarının duelində elita təmsilçisi favoritdi. “Neftçi”nin yeni baş məşqçisi Əsgər Abdullayev 3-cü oyununda da meydançanı qələbə ilə tərk edə bilər.
Azərbaycan Kuboku
1/8 final
1/8 final
2 dekabr (çərşənbə)
14:00. “Turan Tovuz” – “İnter”
Hakimlər: İnqilab Məmmədov, Yaşar Abbasov, Vüqar Bayramov, Sərxan İsmayılov
AFFA nümayəndəsi: Elbrus Abbasov
Hakim-inspektor: Məhəmməd Məmmədov
Tovuz şəhər stadionu
Hakimlər: İnqilab Məmmədov, Yaşar Abbasov, Vüqar Bayramov, Sərxan İsmayılov
AFFA nümayəndəsi: Elbrus Abbasov
Hakim-inspektor: Məhəmməd Məmmədov
Tovuz şəhər stadionu
14:00. “Neftçala” – “Sumqayıt”
Hakimlər: Ramil Diniyev, İsgəndər Əliyev, Nahid Əliyev, Xəlil Xəlilov
AFFA nümayəndəsi: Abbas Hüseynov
Hakim-inspektor: Füzuli Nəcəfov
Nəriman Nərimanov adına Neftçala şəhər stadionu
Hakimlər: Ramil Diniyev, İsgəndər Əliyev, Nahid Əliyev, Xəlil Xəlilov
AFFA nümayəndəsi: Abbas Hüseynov
Hakim-inspektor: Füzuli Nəcəfov
Nəriman Nərimanov adına Neftçala şəhər stadionu
15:00. AZAL – “Zirə”
Hakimlər: Fariz Yusifov, Cavanşir Yusifov, Vüsal Qənbərov, Fərid Məmmədov
AFFA nümayəndəsi: Sakin Məmmədzadə
Hakim-inspektor: Məlik Həsənov
“AZAL Arena”
Hakimlər: Fariz Yusifov, Cavanşir Yusifov, Vüsal Qənbərov, Fərid Məmmədov
AFFA nümayəndəsi: Sakin Məmmədzadə
Hakim-inspektor: Məlik Həsənov
“AZAL Arena”
17:00. “Xəzər Lənkəran” – “Kəpəz”
Hakimlər: Elvin Əsgərov, Knyaz Əmiraslanov, Mehman Mahmudov, Etibar Həsənov
AFFA nümayəndəsi: Rauf Hüseynli
Hakim-inspektor: Vüsal Əliyev
“Xəzər Lənkəran” mərkəzi stadionu
Hakimlər: Elvin Əsgərov, Knyaz Əmiraslanov, Mehman Mahmudov, Etibar Həsənov
AFFA nümayəndəsi: Rauf Hüseynli
Hakim-inspektor: Vüsal Əliyev
“Xəzər Lənkəran” mərkəzi stadionu
18:00. “Qarabağ” – “Şəmkir”
Hakimlər: Rəvan Həmzəzadə, Munis Abdullayev, Azər Əsgərov, Alik Yunusov
AFFA nümayəndəsi: Nüvər Xasıyev
Hakim-inspektor: Əli Hüseynov
Tofiq İsmayılov adına Suraxanı qəsəbə stadionu
Hakimlər: Rəvan Həmzəzadə, Munis Abdullayev, Azər Əsgərov, Alik Yunusov
AFFA nümayəndəsi: Nüvər Xasıyev
Hakim-inspektor: Əli Hüseynov
Tofiq İsmayılov adına Suraxanı qəsəbə stadionu
18:00. “Neftçi” – “Qaradağ-Lökbatan”
Hakimlər: Rauf Cabbarov, Elman Musayev, Rahil Ramazanov, Əmrah İbrahimov
AFFA nümayəndəsi: Şaiq Həmidov
Hakim-inspektor: Murad Məmmədov
“Bakcell Arena”,
Hakimlər: Rauf Cabbarov, Elman Musayev, Rahil Ramazanov, Əmrah İbrahimov
AFFA nümayəndəsi: Şaiq Həmidov
Hakim-inspektor: Murad Məmmədov
“Bakcell Arena”,