Ölkə futbolu
“Dirijor” Ruslan: “Bizdə azarkeşlər ancaq nəticəni sevir”
Azərbaycan kubokunun 1/8 final mərhələsində keçirilən &ld…
Azərbaycan kubokunun 1/8 final mərhələsində keçirilən “Neftçi” – “Qaradağ Lökbaran” (8:0) oyununda sonra meydan sahiblərinin hücumçusu Ruslan Qurbanov azarkeşlər üçün dirijorluq etdi. Hamı paltardəyişmə otağında olarkən o, iki azarkeş qrupuna növbəylə yaxınlaşıb onlarla birgə müxtəlif şüarlar səsləndirdi. Qazonun kənarında dayanıb hərəkətləri ilə onları idarə edən futbolçu bununla həm də dəstəyə görə təşəkkürünü bildirmiş oldu.
Daha sonra isə Ruslan jurnalistlərlə söhbətləşməyi lazım bildi. Futbolinfo.az saytına danışan hücumçu öncə matşı şərh etdi.
– Böyükhesablı qələbə qazandıq. Əslində, meydana bu məqsədlə çıxmamışdıq. Sadəcə, növbəti mərhələyə keçmək üçün mübarizə aparırdıq. İndi hesab belə alındı. Təbii ki, daha yaxşı oynamağımız sevindiricidir. Yəqin ki, bu gün də bizim günümüz idi.
– Qələbəni təmin edəndən sonra sanki komanda qola “doymurdu”…
– Konkret cavab verə bilmərəm ki, bu nə ilə bağlıdır. Düşünürəm ki, uşaqlar özlərini baş məşqçiyə sübut etmək istəyirdilər ki, biz qol vura bilirik.
– Samir Əliyevin vaxtında niyə özlərini sübut etmək istəmirdilər?
– Nəyinsə dəyişdiyini deməzdim . Hər şey öz yerində qalır. Sadəcə, Əsgər Abdullayevin təcrübəsi sözünü deyir. Ona görə də nəticələr belədi.
– “Rəvan”la qarşılaşmadan sonra demişdiz ki, bəzi futbolçular oynamaq istəmirlər. Bəlkə onlar baş məşqçini dəyişmək istəyirdilər?
– İnanmıram ki, kimsə onun getməsini istəyirdi. Amma bəlkə də kənardan elə görünürdü. Ola bilər ki, mənim sözlərim oyunçulara təsir edib və biz 3 qələbə qazandıq. Yəqin bəzi futbolçular başa düşmürdülər ki, hansı komandanın formasın geyinirlər. “Neftçi” sadə komanda deyil, xalqın komandasıdır.
– Xalqın komandasının oyunu niyə bos tribunalar önündə keçir?
– Bizdə azarkeşlər ancaq nəticəni sevirlər. Stadion ancaq Avropa Liqasının oyunlarında dolur. Məsələn, “Qarabağ”ın oyunlarına baxsaq, bunu görə bilərik.
– Azərbaycan çempionatının birinci divizionuna necə qiymət verərdiz?
– Bu gün oynadığımız “Qaradağ Lökbatan” pis komanda deyil. Yəqin ki, bu gün onların oyunu alınmadı. Onlara uğurlar arzu edirəm. Ümid edirəm ki, bu komanda sübut edəcək ki, Premyer Liqada oynaya bilərlər.
– Rəqib yaxşı komandadır? Görünür meydanda çox əziyyət çəkdiniz…
– (Gülür).
– Qarşıda “Zirə” və “Qəbələ” ilə oyunlar var…
– Qələbə seriyamızı davam etdirmək və hər iki rəqibdən revanş almaq istəyirik. Həmçinin qış fasiləsinə ilk “3-lük”də getmək fikrindəyik.
AĞA
- Premyer-liqa2024-04-14 20:55
“Qarabağ” “Sabah”a uduzdu
- Premyer-liqa2024-04-14 22:16
“Bir rəqiblə 4 dəfə oynamaq bizim üçün maraqsızdır” – Qurbanov
- Ölkə futbolu2024-04-16 13:19
AFFA-da fırtınaqabağı sakitlik: maliyyə yoxlaması davam edir
- Ölkə futbolu2024-04-15 08:00
Hakim kömək etmədi, “Səbail” yenə qələbəsiz qaldı