Ölkə futbolu
Abasovdan həkimlərə qadağa: “zədəli”yə yardım etmək olmaz!
“Sumqayıt”ın tarixi ərzində ilk dəfə “İnter&r…
“Sumqayıt”ın tarixi ərzində ilk dəfə “İnter”i səfərdə udduğu matç maraqlı bir olayla da yadda qaldı. Qonaqların baş məşqçisi Samir Abasov bu posta təyinat aldığı vaxt verdiyi müsahibəsini xatırlayıb qəribə addım atdı.
Uzun məğlubiyyətsiz oyunlar seriyasından sonra “İnter”in ardıcıl ikinci yenilgisini aldığı qarşılaşmanın sonunda “Sumqayıt”ın qapıçısı Tərlan Əhmədli zədələnərək yerdə qaldı. Son saniyələr olduğundan hamı bunu qapıçının “vaxt öldürmək” cəhdi kimi qiymətləndirdi.
Baş hakimin həkimləri meydana çağırdığı zaman isə Abasov vədini xatırladı. O, heç vaxt oyunçularının meydanda yıxılıb vaxtı uzatmayacağını söz vermişdi. Elə bu səbəbdən Samir bəy qapıçıdan ayağa qalxıb oyuna davam etməyi tələb etdi. Onun həkimlərə qapıçıya yardım etməmək tapşırığı isə daha maraqlı idi. Yardımdan məhrum olan Tərlan ayağa qalxıb oyunu davam etdirdi.
“Kəpəz”lə ötən turdakı matçda da bu qapıçı eyni hərəkəti etmiş, sonda hakimlərin oyuna 5 dəqiqə əlavə etməsinə səbəbkar olmuşdu. Elə gəncəlilərin bərabərlik qolu da məhz son saniyələrə təsadüf etmişdi.
Əldə etdiyimiz bilgiyə görə, həmin oyundan sonra Əhmədli baş məşqçi tərəfindən pul cəzasına da məruz qalıb. “İnter”lə matçda meydana çıxmayan Bəxtiyar Həsənəlizadə və Emin Mehtiyevin də “Kəpəz”lə oyunda buraxılan qollardakı səhvlərinə görə heyətdən kənarda qaldığı, Abasov tərəfindən cəzalandırıldığı deyilir. Baxmayaraq ki, klubun mətbunat xidmətinin rəhbəri Rəşad Məmmədov onların hər ikisinin zədə üzündən bu matçı buraxdığını bildirdi.
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…