Ölkə futbolu
Qurban Qurbanov adına…
Bu gün komanda.az saytının sayca 7-ci dəfə keçirdiyi &…
Bu gün komanda.az saytının sayca 7-ci dəfə keçirdiyi “İlin məşqçisi” sorğusunun qalibinin mükafatlandırma mərasimi keçirilib. Futbolinfo.az xəbər verir ki, “Fairmont” otelində təşkil edilən tədbirə idman mediası, habelə sorğunun qalibi təşrif buyurmuşdular.
Tədbiri açılış sözüylə açan Sənan Şəfizadə sorğunun nəticələrini səsləndirmək üçün sözü komanda.az-ın redaktoru Natiq Muxtarlıya verdi. Həmkarımız “Qarabağ"ın baş məşqçisi Qurban Qurbanovun hamıdan çox səs topladığını söyləyərək, sorğuda idman mediası ilə yanaşı, ictimai-siyasi mətbuatın da iştirak etdiyini qeyd etdi. O, hesablamaların sırf idman KİV-ləri arasında aparılacağı təqdirdə belə, qalib adını məhz Qurbanovun qazanacağını bildirdi.
Daha sonra Qurban bəyin uğurları barədə söz açıldı və istedadlı mütəxəssisin 2015-də əldə etdiyi uğurlara həsr edilmiş videoçarx təqdim olundu. Ardınca isə Qurbanov səhnəyə dəvət olundu: “Futbolda səhv edəndə, düzəltmək mümkündü. Jurnalistlər isə yazdıqlarını poza bilmirlər və buna görə istənilən qərarlarına daha həssas, daha məsuliyyətlə yanaşırlar. Mənə səs verdiyinizə görə hər birinizə təşəkkür edirəm. Hesab edirəm ki, burada səsləndirildiyi kimi, qiyabi mübarizə apardığım Roman Qriqorçuk da, Robert Prosineçki də bu ada layiq idilər. Ancaq çıxış edənlər üzərimə daha böyük yük – Çempionlar Liqasının qrupuna düşmək kimi vəzifəni qoydular. Çalışacağıq kİ, bu etimadı doğruldaq”.
Nəhayət, tədbirin kulminasiya nöqtəsi: komanda.az saytının baş redaktoru Rəşad Ergün sorğunun qalibinə haqq etdiyi mükafatı təqdim edir. Ardınca isə Qurban bəyə 6-cı dəfə qalibi olduğu nominasiyanın təqdimetmə mərasiminə hazırlanmış tortu kəsmək həvalə olunur.
Sonda “Qarabağ”ın baş məşqçisi bir neçə həmkarımıza hədiyyə verməyi də unutmadı. Növbəti bir neçə dəqiqəni çay masası arxasında keçirdikdən sonra, ənənəvi olaraq, “silah”ımız (noutbuk ) çiynimizdə yaşıl meydanlara tələsdik – “İnter” – “Xəzər Lənkəran” oyununa…
CEYHUN ƏLİYEV
- Ölkə futbolu2024-05-06 10:08
“Dinamo” Mahiri satmaq istəyir, amma…
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”