Ölkə futbolu
Xəbərimiz təsdiqləndi: “Sumqayıt”ı Antalyaya futbolçular aparır
Premyer Liqa klublarının bir çoxunun qış fasiləsində &oum…
Premyer Liqa klublarının bir çoxunun qış fasiləsində ölkə xaricinə üz tutmadığı bir dönəmdə “Sumqayıt”ın Antalyaya yollanması xeyli təəccüb doğururdu. Axı komanda dünyanın düz vaxtında ölkə xaricinə çıxmazdı. Nə baş verdi ki, “Sumqayıt” bu vur-çatlasında Türkiyəyə getməyə vəsait tapdı? Dünən əldə etdiyimiz məlumat “İ”-lərin üzərinə bütün nöqtələri qoydu. Futolçular yol xərclərini özləri ödəməli olacaqlar. Xəbəri dəqiqləşdirmək üçün “Sumqayıt”ın mətbuat xidmətinin rəhbəri Rəşad Məmmədovla əlaqə saxladıqda, klub sözçüsü məlumatı təsdiqlədi:
“Dekabrda qış hazırlıqlarının Sumqayıtda keçirilməsi barədə məşqçi heyətinə məlumat verilmişdi. Ardından futbolçu heyəti klub rəhbərliyinə müraciət edərək ölkə xaricində hazırlıq prosesi keçirilməsi üçün araşdırma aparmağı xahiş etdi. Araşdırılmalardan sonra təlim-məşq toplanışı üçün Antalya bölgəsində uyğun variant tapıldı.
Mövsümün əvvəlində qış hazırlıq mərhələsi üçün nəzərdə tutulmuş büdcə xərcləri ölkə xaricində təlim-məşq toplanışı və nəqliyyat xərclərini əhatə etməməsi isə iqtisadiyyatımızda manatın devalvasiyası ilə bağlıdır.
Nəticədə, futbolçu heyəti nəqliyyat xərclərini ödəməyi öz üzərlərinə götürdü. Böhranlı vəziyyətdə futbolçu heyəti ilə rəhbərliyinin bu məsələdə anlaşması klubda vəhdət təşkil etməsi deməkdi”.
Bu, klubun rəsmi mövqeyi. Ancaq ölkə futbolunda top qovan oyunçuların hər birinə adımız kimi bələd olduğumuzdan, onların klub prezidentinə bu cür müraciət etmələri mümkünsüzdü. Sadəcə, fakt qarşısında qoyulan oyunçuların çıxış yolu olmayıb. Niyə? Çünki onlar yerli futbolçulardı və klubdan FİFA-ya şikayət etmək hüquqları yoxdu. AFFA-ya şikayət isə çox sevilən mahnının sözlərinə bənzəyəcək: “Sənə səndən şikayətim var”.
Bir sualın cavabını isə hələlik yazmırıq. Söhbət “Sumqayıt”ın Antalyaya əvvəlki illərdə getməkdən boyun qaçıraraq, iqtsidai böhran dövründə bu yolu tutmasının səbəblərindən gedir. Bu sualın cavabını yazmağın da vaxtı uzaqlarda deyil…
- Milli komanda2024-05-03 08:00
Vay(ss) bizim halımıza?
- Ölkə futbolu2024-05-02 08:00
Bir aylıq istirahətin şərəfinə… Balaşın ariyası
- Müsahibə2024-05-02 15:51
Dodo “Qəbələ”yə kömək etmək istəyir: I Liqada da oynamağa hazırdır
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə