Premyer-liqa
"İnter"də ikisi qayıtdı, biri gözləyir
Dünən Azərbaycan Kubokunda ¼ final mərhələsi &c…
Dünən Azərbaycan Kubokunda ¼ final mərhələsi çərçivəsində səfərdə “Rəvan”a məğlub olan (2:1) “İnter” bu gün yenidən bir araya gəlib. Futbolinfo.az xəbər verir ki, bakılılar səhər saatlarında məşqə çıxıb.
“Rəvan”la matçda meydana çıxanlar bərpa, digərləri isə adi qaydada məşq edib. Komandada olan zədəlilərdən Mirhüseyn Seyidov və Laşa Kasradze kollektivlə birgə şalışır. Onların növbəti turda “Sumqayıt”la matçda oynamaq ehtimalı var. Əzələsində problem olan Fuad Bayramov isə hələ sıraya dönməyib.
Qeyd edək ki, “İnter” növbəti oyununu martın 5-i, saat 17:00-da səfərdə “Sumqayıt”a qarşı keçirəcək.