Ölkə futbolu
Maşallah Əhmədov Azadlıqda!..
Bu gün Binəqədi Rayon Məhkəməsində dələduzluqda ittiham o…
Bu gün Binəqədi Rayon Məhkəməsində dələduzluqda ittiham olunan tanınmış veteran futbolçu Maşallah Əhmədov barəsində verilən ev dustaqlığı barədə hökmün müddəti uzadılıb. Futbolinfo.az xəbər verir ki, məlumatı onun vəkili Samir Abdullayev də təsdiqləyib.
Ancaq deyəsən, bu qərarın Maşallah bəyə heç bir aidiyyatı yoxdu. Yaxud da məhkəmənin çıxardığı qərar dələduzluqda ittiham olunan şəxsin heç vecinə də deyil. Belə olmasaydı, o, hazırda əlini cibinə qoyub Azadlıq prospektində azadlıqda gəzməzdi.
Məsələ burasındadı ki, adıçəkilən veteran futbolçu az öncə əməkdaşımız tərəfindən "Neftçi"nin köhnə bazasında görünüb. Onun yanında isə Əsgər Abdullayevlə yanaşı, Nadir Nəbiyev də olub. Halbuki, etdiyi dələduzluğa görə Maşallah bəy ev dustaqlığının tələblərini yerinə yetirməli idi, əvəzində bayıra çıxıb "maşallah, nə yaxşı hava var" deməli deyildi.
Cinayət Prosessual Məcəlləsində ev dustaqlığına məhkum edilmiş şəxs üçün birbaşa məhdudiyyət nəzərdə tutulub. Yəni, həmin şəxsin telefonla danışığı qadağan edilir, müəyyən insanlar var ki, onlarla danışmağa icazə verilmir. Ev və mobil telefonları daim nəzarətdə saxlanılır. Ev dustaqlığına məhkum edilmiş şəxs evdən kənara çıxa bilməz. Həmin şəxs tam nəzarət altında olmalıdır. Bundan başqa, ev dustaqlığına məhkum edilmiş şəxs öz evində qonaq qəbul edə, xeyir və şər məclislərində iştirak edə bilməz. Bu insanların yaşayış yerləri daim polis tərəfindən mühafizə olunur.
Cinayət Prosessual Məcəlləsində yaşayış yerindən tamamilə və ya müəyyən vaxtlarda çıxmağa qadağan qoyulması ilə bağlı bənd də var. Ola bilər ki, məcəllənin 163.3.1 maddəsi onun üçün güzəşt şansı yaradıb.
Qeyd edək ki, Əhmədov keçən il dekabr ayında Binəqədi Rayon Polis Şöbəsinin əməkdaşları tərəfindən saxlanılıb. O, Bakıda bir neçə nəfərə 150 min manatdan artıq dəyərində daş plitə gətirəcəyini vəd edib. Əhmədov sözünə əməl etməyib, həmin şəxslərin pulunu da qaytarmayıb. Binəqədi Rayon Məhkəməsində Əhmədov barəsində üç ay müddətinə həbs qətimkan tədbiri seçilib. Sonra isə eyni məhkəmə onun barəsində seçilmiş həbs qətimkan tədbirini ləğv edib. Tanınmış futbolçu ev dustaqlığına buraxılıb.
Azərbaycan futbolunun ən güclü hücumçularından olan Əhmədov 1959-cu ildə Gəncədə anadan olub. O, 1977-ci ildən "Neftçi" klubunda oynayıb. Əhmədov 1995-ci ildə əsas milli komandada məşqçi, U-21-də isə baş məşqçi funksiyasını yerinə yetirib. O, 2008-ci ilin dekabrından etibarən İsgəndər Cavadovun rəhbərlik etdiyi Regional Futbol Federasiyalarının vitse-prezidentidir.
CAVAD
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…