Premyer-liqa
“Qarabağ”ın çempionluğu, Vaqifdən qeyri-adi göstərici
Dünən Topaz Premyer Liqasında 32-ci tura yekun vuruldu. Futboli…
Dünən Topaz Premyer Liqasında 32-ci tura yekun vuruldu. Futbolinfo.az xəbər verir ki, qeydə alınmış nəticələrdən sonra 2015/16 mövsümü üzrə Azərbaycan çempionunun adı məlum olub. Bu, tarixində 4-cü, ardıcıl isə 3 cü dəfə qızıl medalları qazanan “Qarabağ”dı. Ağdam təmsilçisi ardıcıl 3 il çempion olmaqla, “Neftçi”nin 2010-13-cü illər aralığında qazandığı uğurları təkrar edib. Bununla da “atlılar” çempionluq sayında “Kəpəz”i arxada qoyaraq, 2-ci pilləyə yüksəlib. Əyalət təmsilçisi bu mənada “Neftçi”dən geri qalır. “Ağ-qaralar”ın aktivində 8 çempionluq var.
Çempionluğu gətirən matç təkcə “Qarabağ” üçün yox, “Zirə” üçün də yadda qalan olub. Belə ki, “qartallar” Premyer Liqada ilk ev məğlubiyyətini alıb. Ümumiyyətlə, Adil Şükürovun yetirmələrinin bu mövsüm ən az – 1 xal aldığı komanda məhz ağdamlılardı.
Turun digər qarşılaşmasında – “Qəbələ” – “Neftçi” oyununda isə bu dəfə də meydan sahibləri qalib gələ bilmədi. 2:2 hesabı ilə yekunlaşan görüşdə ev sahiblərinin qələbə həsrəti bununla da 10-a çatdı. Sonuncu dəfə 2013-cü il dekabrın 15-də bakılılar bu rəqibini evdə 2:1 hesabı ilə üstələyib.
“İnter” – “Sumqayıt” qarşılaşmasında isə futboll tarixində görülmüş nadir hadisələrdən biri baş verdi. Belə ki, qarşılaşma ərzində tərəflər ümumilikdə 3 penaltidən istifadə edə bilməyib. 2 dəfə “kimyaçılar”, 1 dəfə isə “bankirlər” ağ nöqtədən fürsəti əldən verib. Dünən – mayın 1-də “Sumqayıt”ın heyətində “İnter”in qapısına yol tapan Vaqif Cavadov cari mövsümdə qol hesabını açaraq, maraqlı statistika ilə yadda qalıb. Belə ki, hücumçu ölkə çepionatnda sonuncu qolunu 2014-cü il mayın 2-də “İnter”in heyətində indiki klubu “Sumqayıt”ın qapısından keçrimişdi. Maraqlıdı ki, o zaman da Cavadov “İnter Arena”da istəyinə çatmışdı.
Bundan başqa, tur daha bir əlamət hadisə ilə yadda qaldı. Belə ki, cari mövsümdə ilk dəfə qapılara – 6 dəfə penalti təyin olundu. Əvvəlki rekord isə 5-ci turda qeydə alınmışdı. Həmin vaxt hakimlər 5 dəfə ağ nöqtəni göstərmişdi. Elə qaçırılan penaltilərin sayında da bu mövsümün rekordu yeniləndi. 3 dəfə məqsədinə nail ola bilməyən futbolçular, 14-cü turdakı nəticəni 1 vahid artırdılar. Maraqlıdı ki, həmin vaxt da bu tur olduğu kimi “Sumqayıt” və “İnter” belə fürsəti əldən qaçırmışdılar. 14-cü turda olduğu kimi bu dəfə də “kimyaçılar”ın hücumçusu Ağabala Ramazanov bu mənada yadda qalıb.
ELMAR ABDULLA-ZADƏ
- Premyer-liqa2024-05-17 23:50
“Əcnəbi hakimlərinin dəvət olunmasını xoş qarşılamadım” – Qurban Qurbanov
- Premyer-liqa2024-05-18 18:58
“Neftçi”, “Zirə” və “Sabah”dan vacib qələbə
- Ölkə futbolu2024-05-19 10:44
Mahirin 2024-cü ildə ilk oyunu
- Premyer-liqa2024-05-18 09:00
“Sabah” “Sumqayıt”a, “Səbail” “Neftçi”yə, “Kəpəz” “Zirə”yə qarşı