Layihə
1 GÜN QALDI: İndi dəstək zamanıdı
Daha gün saymayacağıq. Çünki başlayır. Bizim də …
Daha gün saymayacağıq. Çünki başlayır. Bizim də 23 gündü davam etdirdiyimiz kayihə yeni mərhələyə qədəm qoyur. Sabahdan etibarən 17 yaşlılar arasında Avropa çempionatını stadionlardan işıqlandıracağıq.
Bakıda təşkil olunan bu oyunlar haqda “futbolinfo” bir sıra yazılar işlədi. Problemləri çatdırdıq, çatışmazlıqları qeyd etdik, bu sahədə təcrübəsi olan bir sıra insanların sayəsində məsləhətlər verməyə çalışdıq. Zəhmətimiz hədər getmədi, bir sıra problemlərin həlinə nail olduq, Təşkilat Komitəsinin daha yaxşı işləməsi üçün etdiyimiz cəhdlər bəhrə verdi. Təkcə qitə çempionu olmuş veteranlarımızın milli komandamızla görüşdürülməsini qeyd etmək kifayətdi.
Bu günlər ərzində yığma komandanın düşərgəsinə getmək üçün etdiyimiz müraciətlər rədd edildi, komandanı heç cür izləyə, futbolçularla danışa bilmədik. İndiyə kimi milinin heyətində kimlərin olacağını da bilmirik. Komandamızın hansı sınaq matçlarına çıxdığını da yalnız qeyri-rəsmi mənbələrdən öyrəndik. AFFA milli komandanı ictimaiyyətdən gizlətmək üçün maksimum çalışdı. Ümid edirik ki, bunun faydasını qrup oyunlarında görəcəyik.
Təbliğat baxımından da ciddi problemlər var idi. Portuqaliya ilə ilk oyunumuza 35 mindən çox bilet satıldığı və ya paylandığı deyilsə də, digər matçlarla bağlı hər hansı informasiya yoxdu. Azarkeşləri oyunlara cəlb etmək üçün görülən işlər yetərli deyil. Halbuki daha yaxşı üsullar var. Elə AFFA-nın tərəfdaşlıq müqaviləsi imzaladığı mobil operatorun köməyi ilə milyonlarca pulsuz sms göndərmək, abunəçiləri bu oyunlar haqda məlumatlandırmaq, stadionlara çağırmaq olardı. Bu, Röya Ayxanın PR kampaniyasından daha effektli olardı.
Artıq bu mərhələ geridə qalıb və yekunu yarış bitdikdən sonra vuracağıq. Oyunların davam etdiyi müddətdə isə diqqətçəkən məsələləri gündəmə gətirəcəyik. Amma istənilən halda çempionat ən yaxşı şəkildə işıqlandırmalı, problemlər qabardılmalı, əməyin qiyməti verilməlidi.
İndi dəstək zamanıdı. Bugündən başlayaraq, milli komandamızın ətrafında birləşməli, uğur üçün qüvvələri səfərbər etməliyik. Portuqaliyaya qarşı oyunda Təbriz Həsənovun yetirmələrinin hamımızı təəccübləndirəcəyinə ümid edirik. Hətta bu oyundakı mümkün məğlubiyyət də yığmaya inamı azaltmamalıdı. Final mərhələsinin fərqli səviyyə olduğunu bilirik. Gözləntilərimiz böyükdü, lakin bu təzyiqə, basqıya çevrilməməlidi. Futbolçuları istənilən nəticəyə rəğmən, dəstəkləməli, komandanın yanında olmalıyıq. Stadionda anşlaq yaradacağımız ümidi ilə…
FƏRİD
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Ölkə futbolu2024-05-04 10:19
“Araz-Naxçıvan”ın baş məşqçisi: “Rəqib tapmaq çətinləşir”
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO