Ölkə futbolu
“Bakı” ölkə çempionatından birdəfəlik qovulacaq
1-ci divizion təmsilçisi “Bakı” tarixin yaddaşı…
1-ci divizion təmsilçisi “Bakı” tarixin yaddaşına köçmək ərəfəsindədi. Bu barədə futbolinfo.az saytına məlumatı AFFA-nın hüquqşünası Rəmiş Malıyev verib.
Vaxtilə Çempionlar və Avropa Liqasında iştirak etmiş “zolaqlılar”ın aqibəti ilə bağlı verdiyimiz suala AFFA funksioneri bədbin notlarla cavab verdi: “Klubun qarşısına qoyulan tələb yerinə yetirilməyib: köhnə borclar ödənilməyib. Bu səbəbdən cari mövsümdə “Bakı”nın hesabından 2 dəfə xallar silinib. Yəqin ki, mövsüm başa çatdıqdan sonra qarşımıza paytaxt təmsilçisinin aşağı diviziona göndərilməsi tələbi qoyulacaq. Nəzərə alsaq ki, ölkəmizdə 1-ci diviziondan aşağı dəstə yoxdu, kluba bu yarışda iştirak etməyə də icazə verilməyəcək”.
Vəssəlam. “Bakı”nın maddi durumunun hansı vəziyyətdə olduğunu hər kəs bilir. Bu ad altında iştirak edəcəkləri qeyri-mümkünə çevriləcək ki, azərbaycansayağı çıxış variantına (klubun adının ardına əlifbanın hansısa hərfini əlavə edərək, yenisini yaratmaq) əl atmasalar, növbəti mövsüm Hafiz Məmmədovun AFFA-yla heç bir bağlılığı qalmayacaq. Nə qədər acı olsa da, faktdı: “Bakı” tezliklə Azərbaycanın klub qəbristanlığını “zənginləşdirəcək”.
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu
- Ölkə futbolu2024-05-04 10:19
“Araz-Naxçıvan”ın baş məşqçisi: “Rəqib tapmaq çətinləşir”
- Premyer-liqa2024-05-04 18:59
Samir Abasov: “Bu, “Qarabağ”la matçdakı yorğunluqdan irəli gələ bilər” – VİDEO