Ölkə futbolu
"Şahdağ"ın prezidenti: "Maaş söhbəti deyil, başqa nüanslar var"
"Şahdağ"ın "Şərurspor"la ev oyununa ç?…
"Şahdağ"ın "Şərurspor"la ev oyununa çıxmamasının səbəbi heç də yalnız maliyyə ilə bağlı deyilmiş. Bu qənaətə Qusar klubunun prezidenti Ərəstun Nuftiyevlə indicə danışdıqdan sonra gəldik.
11 ildi "Şahdağ"da çalışan Ərəstun bəy futbolinfo.az saytına açıqlamasında həqiqətən də maaşların gecikdiyini etiraf etdi: "Həqiqətən də 4-5 aydı futbolçular maaş almır. Amma 11 oyunu yola vermişdiksə, son ev matçımıza da çıxmalı idik. Futbolçulara bunu başa salmağa çalışdım, bir saata yaxın onlarla söhbət etdim. Amma onlar oyuna gəlmiş azarkeşlərə də hörmətsizlik edib matça çıxmadılar. Onu da deyim ki, söhbət heç də maaşın gecikməsi ilə bağlı deyil, burada başqa nüanslar var. Ona qalsa, bu neçə ay ərzində də oynamazdılar, əməkhaqqları çoxdan yubanır".
Həmin nüansları dəqiqləşdirmək istədikdə Niftiyev ad çəkmədi: "Bəzi qüvvələr var ki, gördüyümüz işlərə ləkə salmaq istəyir. Onlar vaxtilə burada işləyiblər, indi isə yeni məşqçimizin gördüyü işlərin üstündən xətt çəkməyə çalışırlar. Görürlər ki, son vaxtlar yaxşı nəticələrimiz var, liderlərlə başabaş oynayırıq. Bu isə kimlərəsə sərf etmir".
Görəsən, Ərəstun bəy sabiq baş məşqçi Kamran Əlibabayevdən şübhələnmir ki? "Mən ad çəkməyəcəm. Həmin adamlar özü kimi dediyimi bilir. "Azinko" illərdi bizə sponsorluq edir, indi vəziyyət bir qədər pisdi deyə, oyuna çıxmaqdan imtina etmək olmaz. Mən sadəcə, rəhbərəm, maliyyəni sponsorumuz verir. İndi onlar pulu bir qədər yubadırlarsa, mən nə edə bilərəm? Təəssüf ki, futbolçular bunu başa düşmək istəmədi, son ev oyununu yola vermədilər".
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-10 09:21
“Əks təqdirdə fanatlar Şeydayevi qəbul etməyəcək”
- Dünya futbolu2024-05-10 16:37
AÇ-2024-ün rəsmi mahnısı təqdim edildi – VİDEO
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”