I Liqa
Kamran Əlibabayev: "Şikayət edəcəm"
Birinci divizionun 25-ci turu çərçivəsində “Ş?…
Birinci divizionun 25-ci turu çərçivəsində “Şəmkir” – MOİK matçının 18-ci dəqiqəsində meydan sahiblərinin cəzalı olan baş məşqçisi Kamran Əlibabayev tribunadan meydançaya daxil olaraq oyunda fasilə yaranmasına səbəb olmasını, habelə hakimlər briqadasını təhqir edərək hədə-qorxu gəlməsini və bu halın analoji olaraq ardıcıl baş verdiyini nəzərə alaraq məşqçinin 12 ay futbol fəaliyyətinə qadağa qoyulub, klub 1500 manat cərimə olunub. Lakin çalışdırıcı AFFA İntizam Komitəsinin verdiyi qərarı düzgün hesab etmir. Futbolinfo.az saytına danışan Əlibabayev apelyasiya şikayəti verəcəyini bildirdi:
"Apelyasiya şikayəti verəcəm. Çünki meydandan komanda çıxarmaq məsələsi olmayıb. Meydançaya daxil olmamışam, hakimlərə elə söz deməmişəm. Komanda da meydançadan çıxmayıb. Bu briqada hər dəfə gələndə… Arif Ağayevin (hakim-inspektor) briqadası gələndə… Keçən il "Rəvan"la oyunda da belə etmişdilər, indi də. Bilmirəm ki, nə edirlər. Keçən dəfə "Rəvan"la oyunda penalti verdilər, bu dəfə də belə etdilər. Komandanı yuxarılara çıxartmışam. Niyə haqqını yeyirlər? Komanda keçən il axırıncı yerdə idi. Bu il irəli çıxartdım. Azərbaycan futbolunda belə adamlara dəstək olmaq lazımdı. Buraya 1000 nəfər azarkeş gəlir. Hamısını küsdürdülər. Auta yan hakim baxır, hə? Yan hakim başqa tərəfi göstərir, baş hakim dayanır belə. "Ştraf" olur, qapımıza qol vururlar. Yan hakim göstəribsə, deməli düzdü. Bu da demək istəyir ki, mən necə istəyirəmsə, elə olacaq. İnqlab deyir, kitabda belə yazılıb. Deyirəm, sən futbola baxırsan, deyir, mənim nəyimə lazımdı. Buraya camaat gəlir, belə etmək düzgün deyil. Belə-belə futbola nifrət etdirirlər. Bir neçə dəfə futbolçumuz yıxılanda lehimizə qərar verib, güya, mənə kömək etmək istədiyini göstərirdi. Mənə kömək lazım deyil. Sadəcə, düzgün oyun idarə etsinlər. Azarkeş deyir, sən hər dəfə gəlib burada qoçuluq edirsən. O da deyir, mən nə istəyirəm onu da edirəm. Çempionat qurtarsın, mütləq, apelyasiyaya mütaciət edəcəm. Mən bilirəm, onları kimlər edir".
Qeyd edək ki, “Şəmkir” – MOİK matçı ev sahiblərinin 1:2 hesablı məğlubiyyəti ilə başa çatıb. Həmin qarşılaşmanın baş hakimi isə İnqilab Məmmədov olub.
- I Liqa2024-05-17 08:00
“Şamaxı”… Qayıdır axı…
- Premyer-liqa2024-05-17 22:21
“Qarabağ” “Turan Tovuz”a qalib gəldi
- Ölkə futbolu2024-05-17 11:12
Vaqner Silva: “Avropada “Qarabağ”dan qorxurlar”
- Müsahibə2024-05-16 14:00
“Niderlandda gördüklərimizi həm akademiyamızda, həm də əsas komandamızda tətbiq etməyə çalışacağıq”