Layihə

“İnter”in gələcəyi olan uşaqlar: “Bu nəslə inamım böyükdü” – LAYİHƏ

Bakıda 17 yaşlılar arasında Avropa çempionatının davam et…

Saat: 13:30 Tarix: 10/05/2016

tərəfindən paylaşıldı

Bakıda 17 yaşlılar arasında Avropa çempionatının davam etdiyi bir vaxtda uşaq futbolunu xatırlamamaq günah olar. Ən azından ona görə ki, yığmamızın baş məşqçisi Təbriz Həsənov hazırki nəsildən 11 azərbaycanlı tapmağın mümkünsüzlüyünü Portuqaliya ilə görüşdən sonra bəyan etmişdi. İndiki U-17 üzvləri gələcəkdə əsas yığmamızın təməlini təşkil edə bilərsə, hazırda 13-15 yaşında olan futbolçular da perspektivdə U-17 yığmamıza dəvət ala bilərlər.

Ölkə klubları arasında uşaq futboluna diqqət yetirənlərin sıralamasında öncüllərdən sayılan “İnter”in bazasına baş çəkməkdə məqsədimiz həm uşaq komandasının məşqini izləmək, həm də baş məşqçiləri ilə mövcud durumla bağlı müsahibə almaq idi.

Bəyaz həsəd

“İnter”in U-14 komandasının məşqini izləyərkən baş məşqçi Elmir Mirzəyev KİV təmsilçisi olduğumuzu bilmirdi. Bu da əvvəlcədən planlaşdırılmış gediş idi. Hər halda, məşqin təbii halda izlənilməsi sonrakı söhbətimizin daha məzmunlu alınmasını şərtləndirəcəkdi…

Bir qədər nostalji hisslərə qapılsaq, müasir yeniyetmələrin top probleminin olmamasını dərhal vurğulamalıyıq. Məşq 10-12 topla keçirilir. 20 il öncə bu sayda topa heç elita təmsilçiləri sahib olmurdu. Ancaq subyektiv fikrimizi də ortaya qoymalıyıq. 14 yaşlı uşaqlarda sanki 15 il peşəkar futbol oynamış təcrübəlilərin yorğunluğu sezilirdi. Nə ikitərəfli oyunda, nə əzələ dartınması zamanı gözündən alov çıxan futbolçuya rast gəlmədik.

Məşq sona çatdıqdan sonra da uşaqlar paltardəyişmə otağına tələsdilər. Çox istərdik ki, heç olmasa, biri qalıb, əlavə məşq etmək arzusunda olduğunu dilə gətirsin. Ancaq bu həvəsi heç bir uşaqda görmədik. Elə müsahibə zamanı baş məşqçiylə bununla bağlı da söhbət etdik. Ən maraqlı fakt isə məhz müsahibə zamanı ortaya çıxdı və növbəti addımlarımızı da məhz yaranan dilemmanın ətrafında qurmağı düşünürük.

Hələliksə tribunaya Elmir Mirzəyevi dəvət edək. Maraqlıdı ki, 2009-cu ildən “İnter”in uşaq komandalarında çalışan mütəxəssis 7 ildi ki, eyni heyətin “sükanı arxasındadı”.

Fədakarlıq nümunəsi

– Bu uşaqların əksəriyyəti 7 yaşından rəhbərliyim altında oynayır. İlk “qaranquş” isə komandamızın liderlərindən sayılan Ramil Məhərrəmovdu. Doğrudu, hazırda zədələnib, ancaq yaxın müddətdə yenidən sıralarımıza qoşulacaq.

– Ötən mövsümün sonlarından maliyyə problemləri ilə üzləşdiniz. U-14-dən çoxmu ayrılan oldu?

– Əsla! Hamılıqla sonadək duruş gətirdik. Bəli, çətin günlər idi. Ancaq uşaqlar da sadiqlik nümayiş etdirdilər və sonadək komandada qaldıq. Altı aya yaxın maaş almadıq. Buna baxmayaraq, işimizi davam etdirdik. Ancaq rəhbərlikdəki məlum dəyişiklikdən sonra maddi problemlərimiz həllini tapdı. İndi hər şey qaydasındadı.

– Nəqliyyat problemi də yaşayırdınız. Çempionat oyunlarına yollanmaqda futbolçuların validenlərinin dəstək olduğu bildirilirdi…

– Bu, həqiqətən belə idi. Dəfələrlə futbolçuların valideynləri nəqliyyat probleminin həllində kluba dəstək oldu. Bütün çətinliklərə rəğmən, dözdük. Ancaq bir futbolçunu itirdik. Söhbət Valentin Xodukinin nəvəsindən gedir. O da Ukraynaya qayıtdığı üçün komandamızdan ayrıldı.

– Bəlkə pərdəni qaldıraq? Həmin uşaq rəhbəriniz Valentin Xodukinin nəvəsi olduğu üçün komandanızda yer almışdı?

– Yox, istedadlı uşaq idi. Xüsusilə “ikinci mərtəbə”də əla təsir bağışlayırdı. Ucaboylu olması ona bu işdə yardımçı olurdu. Doğrudu, topla davranışda bir qədər axsamaları var idi. Lakin üstünlüyü bu çatışmazlığını da arxa planda qoya bilirdi.

“Futbolçularımı tanıya bilmirdim”

– Cari mövsüm komandanız üçün başa çatmasa da, ilkin yekunlar vurmaq olar. Başlayaq zona yarışından.

– Hər bir komandaya qarşı oynamaq çətin oldu. Ancaq bunlar arasında “Neftçi”, “Qəbələ”, “Bakı” daha çox seçilirdi. Etiraf edim ki, çempionatın startı bizim üçün uğursuz başladı. “Vətən”dən alınan 0:2 hesablı məğlubiyyət, udmalı olduğumuz “Bakı”yla matçda heç-heçə… Gərəksiz yerə xeyli xal itirdik. Ancaq tədricən toparlanmağı bacardıq və pley-offa vəsiqə verən 4-cü yeri tutduq. Amma startda planlaşdırılmayan xalları itirməsəydik, zona yarışını 2-ci yerdə başa vura bilərdik.

– 1/8 finalda “Turan”, yarımfinal yolunda isə “Xəzər Lənkəran” səddini adladınız…

– Tovuz klubunu hər oyunda məğlub etməyi bacardıq. “Xəzər Lənkəran”a gəlincə, evdə 4:1 hesablı qələbə qazandıqdan sonra cənubdan qolsuz bərabərliklə qayıtdıq.

– Amma finala çıxmaq şanslarınız minimaldı…

– “Bakı”yla ilk oyunu evdə keçirmişik. Acınacaqlı məğlubiyyət aldıq. Açıq deyirəm, futbolçularımı tanıya bilmirdim. Hansısa psixoloji diskomfort da yox idi. Elə cari mövsümdə zona yarışında 2 dəfə qarşılaşdığımız rəqib idi. Həmin oyunların hər ikisi bərabərliklə başa çatmışdı. Ancaq yarımfinalda “zolaqlılar” bizdən üstün futbol oynadı. Erkən qol vurdular, cavab verdik. Amma qısa zaman kəsiyində ardıcıl daha 2 dəfə fərqləndilər ki, bundan sonra uşaqlar özlərinə gələ bilmədi. Tablodakı yekun nəticə – 2:4 cavab oyunu öncəsi şanslarımızı azaldır. Amma biz sonadək mübarizə aparıb, finala çıxmaq uğrunda döyüşəcəyik. Alınmasa da, çempionatın bürünc medallarını qazanmağa səy göstərəcəyik.

Niyə belə olmalıdı?

Söhbətimizin növbəti hissəsi futbolçuların məşqdənkənar həyatına həsr olundu. Baş məşqçi vəziyyətin heç də istədiyi kimi olmadığını bildirməklə real durumu ortaya qoydu. Uşaqlar həftə ərzində məşqçinin nəzarəti altında ümumilikdə 6-7 saat olur. Qalan 160 saata yaxın vaxtda isə məşqçi yetirmələrini görmür. Bu da məşqçinin azyaşlı futbolçunun qidalanması, rejimi və digər məsələlərdən bixəbər olmasını şərtləndirir. Belədə, məsuliyyət uşaqların valideyninin üzərinə düşür.

– Bu, ən vacib məsələlərdən biridi. Uşaqlar nə vaxt yatır, nə vaxt durur, nə vaxt yemək yeyir, nə vaxt dərslərini oxuyur – bu kimi məsələlərdən bixəbərik. Bəzən olur ki, məşqdən sonra məhəllədə futbol oynamağa gedirlər. Bu da əlavə yüklənmə deməkdi. Uşaqların rejimə riayət etməsi olduqca mühüm məsələdi. Bazamızda Xaçmaz filialımızdan olan 5 uşaq yaşayır. Onların rejimini daim diqqət mərkəzində saxlaya bilirəm. Qida rasionu da, yatıb-durmaq və məşq proseslərinə də nəzarət edirəm. Belədə, futbolçunun inkişafı da düzgün gedir. Bu uşaqlar əsas komandanın üzvləri ilə eyni menyudan istifadə edir. Onların bazada qalması, qidalanması üçün klub prezidenti şərait yaratdı. Bunun da qarşılığını verməkdədilər. “Elit” kubokunda finala çıxdıq. Bu da klub prezidentinin diqqətindən yayınmadı. Komandamızı qəbul etdi, mükafat payladı. Əlbəttə, bu kimi məqamlar yeniyetmə futbolçuları stimullaşdırır, onları motivasiya edir.

– Bəs, bakılılar? Olmazmı ki, paytaxtda yaşayan futbolçuların valideynləri ilə söhbət edib, onlara övladlarının rejiminə diqqət yetirmələrinin əhəmiyyəti barədə dolğun məlumat verəsiniz?

– Təəssüf ki, əksər uşaqların valideynləri düşünürlər ki, övladlarını məşqə aparıb-gətirməklə iş bitir. Bu səpkidə onlarla bir neçə dəfə söhbət etmişəm. Reallıq budu ki, onlar övladlarının rejimə riayət etməsinə lazımınca nəzarət etmirlər.

Vahid ailə

– Futbolçu-məşqçi münasibətlərinin daha yüksək səviyyədə olması üçün, yetirmələrinizlə birgə asudə vaxt keçirmək kimi tədbirlər təşkil etmisinizmi?

– Bu cür təkliflərim olub. Ancaq ortaq məxrəcə gəlməkdə problemlər çıxıb. Kimisi qonaq gedir, digəri hazırlıq kurslarına. Ancaq razıyam ki, bu cür gəzintilər faydalı olardı. Çünki belədə, ailə ab-havası hökm sürəcək ki, bu da meydanda da müsbət təsirini göstərəcək.

– Futbolçularınız məşq başa çatan kimi, paltardəyişmə otağına yollandılar. Razılaşın ki, xoşagələn mənzərə deyil…

– Zəmanəmiz belədi. Uşaqlar indi daha çox internetə, kompüterə, telefona tələsir, stadionlara yox. Bu da müasir dövrümüzün reallığıdı. Əlbəttə, hansısa uşaq əlavə məşq etmək istəsə, buna sevinərəm, onunla istədiyi müddət qalıb yardımımı göstərərəm. Bəlkə də bu müsahibəni oxuduqdan sonra onların məsuliyyəti artacaq. Çünki futbolun inkişafına mətbuatın təsiri olduqca böyükdü.

– Rəhbərliyiniz altında oynayan uşaqlardan gələcəyini parlaq gördüyünüz futbolçular varmı?

– Mərkəz yarımmüdafiəçimiz Fərid Muxtarov, hücumda qərarlaşan Şirin Şirnov, Araz Abdullayevin əmisioğli Samir Abdullayevi qeyd edərdim. Ancaq digər uşaqlarımız da perspektivlidi. İndi onların elə vaxtıdı ki, istənilən an parlaya bilərlər. Əsas odu ki, məşqlərini əzmlə davam etdirsinlər, rejimə riayət etsinlər, məşqçinin dediklərinə nöqtə-vergülünə kimi əməl etsinlər. Bu nəslin uşaqlarına inamım böyükdü.

CEYHUN ƏLİYEV

Əlaqəli xəbərlər:

Reklam

Milli komanda2024-05-03 08:00

Vay(ss) bizim halımıza?

Müsahibə2024-05-02 15:51

Dodo “Qəbələ”yə kömək etmək istəyir: I Liqada da oynamağa hazırdır

Ölkə futbolu2024-05-03 15:05

“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə

Digər idman növləri2024-05-03 13:25

Tanınmış idmançılarla – öncə master-klas, sonra birgə məşq

Futbolinfo.az

“İnter”in gələcəyi olan uşaqlar: “Bu nəslə inamım böyükdü” – LAYİHƏ

Reklam

“Araz-Naxçıvan”ın baş məşqçisi: “Rəqib tapmaq çətinləşir”

“Qəbələ”nin sabiq baş məşqçisi idman direktoru oldu

İsko ayın oyunçusu seçildi

“Qarabağ” “Neftçi”yə, “Kəpəz” “Sumqayıt”a qarşı

“Monpelye” və “Lans”dan qələbə

“Torino” və “Bolonya”dan heç-heçə

“Everton” səfərdən 1 xalla qayıtdı

“Atletik”dən inamlı qələbə

İlk oyunda heç-heçə

“Beşiktaş”dan çətin qələbə

Volkan Demirel Renat Dadaşovun komandasından ayrıldı

Ardıcıl 7-ci çempionluq

“Sərhədçi” “Xəzri”yə ilk oyundakı məğlubiyyətin əvəzini çıxdı

Het-trik etdi, həftənin ən yaxşı oyunçusu oldu

Avroliqada həftənin ən yaxşı futbolçusu seçildi

ÇL-də həftənin ən yaxşı oyunçusu bəlli oldu

“Araz-Naxçıvan”ın zədəliləri sıraya döndülər

“Borussiya” Roysla vidalaşır – Rəsmən açıqlandı

“Mançester Siti”nin futbolçusu ilin ən yaxşısı seçildi

“Qarabağ” – “Neftçi” matçının biletləri satışa çıxarıldı

May ayı üçün Azərbaycan idmançılarının reytinq cədvəli açıqlandı

Azərbaycanı Dünya Olimpiya Təsnifat turnirində 9 güləşçi təmsil edəcək

Alkaras Romada olmayacaq

Açılışda “Drag queen” də olacaq

Ramos evini Mbappeyə satır

Bakıda ilk dəfə U-23 Avropa çempionatı keçiriləcək

Azərbaycan millilərinin rəqibləri bəlli oldu

Azərbaycan şpaqaçıları beynəlxalq turnirdə iştirak ediblər

“Qarabağ” – “Neftçi” matçının təyinatları açıqlandı

Təklifsiz bombardir: “Hakim bizi çox sıxdı”

Millimizin bolqarlarla heç-heçəsi – VİDEO

“Səbail” “Sumqayıt”a belə məğlub oldu – VİDEO

“Qəbələ” “Sabah”a belə qalib gəldi – VİDEO

“Kəpəz” “Sabah”a belə uduzdu – VİDEO

“Qəbələ” “Zirə”yə belə uduzdu – VİDEO

Qəbələdə 5 qol – VİDEO

“Səbail” “Neftçi”yə belə məğlub oldu – VİDEO

“Turan Tovuz”la “Qarabağ”ın məhsuldar heç-heçəsi – VİDEO

Ayxan Abbasov: “VAR-da olanlar başqa oyuna baxırdılar” – VİDEO

Qurban Qurbanov: “Oyunumuzdan razı qalmadım” – VİDEO

“Qarabağ”dan “Neftçi” üzərində inamlı qələbə – VİDEO

“Qəbələ” “Səbail”ə belə uduzdu – VİDEO

“Mütləq çempion olmaq kimi məqsədimiz yoxdur” – Rəşad Sadıqov

“Araz-Naxçıvan” “Zirə”yə belə qalib gəldi – VİDEO

“Kəpəz” “Qəbələ”yə belə uduzdu – VİDEO

Azər Məmmədov: “Çempionatın sonuna qədər…” – VİDEO

Elmar Baxşıyev: “Qələbə təsadüfi də ola bilər” – VİDEO

Gəncə azarkeşlərindən Tərlan Əhmədov səsləri – VİDEO

“Səbail”lə “Sabah”dan məhsuldar heç-heçə – VİDEO

“Turan Tovuz” “Neftçi”yə belə uduzdu – VİDEO

“Qəbələ” “Qarabağ”a belə uduzdu – VİDEO

“Səbail” “Araz-Naxçıvan”a belə qalib gəldi – VİDEO

“Sabah”la “Kəpəz”dən məhsuldar heç-heçə – VİDEO

“Zirə”nin “Neftçi” ilə heç-heçəsi – VİDEO

Turun açılış matçında heç-heçə – VİDEO

Millimiz Niderlandı belə darmadağın etdi – VİDEO

“Qarabağ” “Sabah”ı belə məğlub etdi – VİDEO

“Qəbələ”nin “Turan Tovuz”la heç-heçəsi – VİDEO

“Səbail”dən darmadağın – VİDEO

Azər Məmmədov: “Oyunumuz alınmadı” – VİDEO

Facebook

Gündəm