Milli komanda
Ukrayna millisinin forvardı Azərbaycan klubunda?
Rusiyanın “Kuban” klubu ilə yolları ayrılan Yevgeni Se…
Rusiyanın “Kuban” klubu ilə yolları ayrılan Yevgeni Seleznyov karyerasını Azərbaycanda davam etdirə bilər. Futbolinfo.az xəbər verir ki, bu barədə Ukrayna mətbuatı məlumat yayıb.
Bu ilin əvvəlində “Dnepr”dən ayrılaraq, “Kuban”a yollanan Seleznyovun Rusiya karyerası uğurlu alınmayıb. Belə ki, 31 yaşlı hücumçu Krasnodar klubunda keçirdiyi 10 oyunda cəmi 3 qola imza atıb ki, bunlardan da ikisini penaltidən vurub.
Nəticədə “Kuban”a lazım olmayan Seleznyovla rəhbərlik vidalaşıb. Hazırda komanda axtarışında olan futbolçunun bundan sonra aparıcı klublara keçmək şansının olmadığı qeyd edilib.
Ukraynalı həmkarlarımız Seleznyovun yaşının çox olduğunu əsas gətirərək, onun yalnız 3 ölkədən birinə yollanmaq variantının yaranacağını yazıblar. Qazaxıstan və Belarusun yer aldığı siyahıda Azərbaycanın da adı var.
Seleznyov “Dnepr”dən “Kuban”a Vadim Şablinin vasitəsilə keçmişdi. Tanınmış menecerin bu vaxta qədər Azərbaycana bir neçə oyunçu gətirdiyini nəzərə alsaq, Seleznyovun da ölkəmizə gəlmək ehtimalını real qiymətləndirmək olar.
Qeyd edək ki, Ukraynanın “Dnepr”lə yanaşı, “Şaxtyor” və “Arsenal” klublarında da çıxış etmiş Seleznyov 2008-2016-cı illərdə millidə 46 oyunda 11 qola imza atıb. (apasport.az)
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Müsahibə2024-04-10 11:44
Subaşiç “Neftçi” və “Qəbələ”yə görə məyusdur: “Rəhbərlik heyət və məşqçi ilə bağlı qərar verməlidir”
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…