Milli komanda
6 illik həsrətə son, yeni ildə ilk qol
Dünən Azərbaycan millisi növbəti yoxlama matçına …
Dünən Azərbaycan millisi növbəti yoxlama matçına çıxıb. Avstriyada Makedoniya ilə qarşılaşan komandamız meydandan məğlubiyyətlə ayrılıb – 1:3.
Bu, yığmamızın adıçəkilən ölkəyə qarşı keçirdiyi 6-cı matç olub. Görüş komandamızın heç də güclülərdən sayılmayan makedonlara 5-ci məğubiyyəti ilə yadda qalıb. Maraqlıdı ki, 6 il əvvəl də yığmamız Balkan təmsilçisinə Avstriyada məhz mayın 29-da eyni hesabla – 1:3 məğlub olmuşdu. Ümumiyyətlə yığmamızın Makedoniyaya qarşı keçirdiyi oyunların siyahısı belədi:
27.07.2000. Makedoniya – Azərbaycan 2:1 Yoxlama oyunu (YO)
07.09.2000. Makedoniya – Azərbaycan 3:0 Dünya çempionatının seçmə oyunu (DÇSO)
04.09.2001. Azərbaycan – Makedoniya 1:1 (DÇSO)
29.05.2010. Azərbaycan – Makedoniya 1:3 (YO)
10.08.2011. Azərbaycan – Makedoniya 0:1 (YO)
29.05.2016. Azərbaycan – Makedoniya 1:3 (YO)
Millimizin təsəlli qolunun müəllifi Əfran İsmayılov yığmadakı 6 illik qol həsrətinə son qoya bilib. Hücumçu sonuncu dəfə 2010-cu il, fevralın 25-də İordaniyanı məyus etmişdi. O, həmçinin millimizin 2016-cı ildə vurduğu ilk qolun müəllifi olub. Bundan başqa, yığmamızın baş məşqçisi Robert Prosineçki millimizi 11-ci dəfə meydana çıxarıb, 5-ci dəfə dəfə məğlubiyyətlə barışıb. 2016-cı ildə keçirdiyi 3 oyunda qələbəyə həsrət qalan futbolçularımız xorvatiyalı çalışdırıcının rəhbərliyi altında cəmi 2 qələbə qazanıb. Digər 4 görüşdə isə qalib müəyyənləşməyib. Vurulan 9 qolun qarşılığında, qapıçılarımız 16 dəfə topu tordan çıxarmalı olub.
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-21 08:00
Andersonun dediyi kimi…