Ölkə futbolu
Avropa çempionatının ən unikal mərcləri
Futbol üzrə Avropa çempionatının startına cəmi 1 g&uu…
Futbol üzrə Avropa çempionatının startına cəmi 1 gün vaxt qaldığından, artıq bütün diqqətlər Fransaya yönəlib. Futbolinfo.az "Apasport"a istinadla xəbər verir ki, azarkeşlərlə yanaşı, mərc şirkətləri də qitə birinciliyini səbirsizliklə gözləyirlər.
Artıq indidən oyunlara qoyulan əmsallar açıqlanır. Mərc şirkətlərindən biri isə təkcə matçların nəticəsi və ya qol sayı üçün yox, turnir boyu yaşana biləcək maraqlı hadisələrlə bağlı da əmsallar qoyub. Belə ki, futbolsevərlər aşağıdakı mərclərin cavabını düzgün tapacaqları təqdirdə pul qazanacaqlar.
Final oyununu kim idarə edəcək?
Favorit: Cüneyt Çakır (Türkiyə) – 4.50
Normal: Mark Klattenburq (İngiltərə) – 5.00
Sürpriz: Damir Skomina (Sloveniya) – 7.00
Möcüzə: Klemen Turpin (Fransa) – 225.00
Türkiyəli hakim Cüneyt Çakır mərc şirkəti tərəfindən finala təyinat almağa ən real namizəd hesab edilir. Məhz bu üzdən o, ən az əmsal verilən referidi. Çempionlar Liqasının final matçını idarə edən Mark Klattenburq bu baxımdan ikinci sıradadı. Fransalı Klemen Turpin final qarşılaşmasını idarə etsə, o zaman əmsal 1-ə 225 qat qazanacak.
Ən tez qırmızı vərəqə alan futbolçu rekordu yenilənəcəkmi?
Bəli: 10.00
Hazırkı rekord: Erik Abidalın AÇ-2008-də 25-ci dəqiqədə meydandan qovulması.
AÇ-2008-dı “ölüm qrupu” adlandırılan C qrupunun Fransa – İtaliya matçında Abidal 25-ci dəqiqədə italiyalı hücumçu Luka Tonini cərimə meydanı daxilində yıxıb və qırmızı vərəqə ilə komandasını azlıqda qoyub. Bu, Avropa çempionatları tarixinin ən erkən qırmızı vərəqəsidi. Əgər Fransadakı turnirdə bu rekord yenilənsə, əmsallar 1-ə 10 qazanacaq. Əmsalın qazanması üçün hər hansı bir oyunda futbolçulardan biri 24-cü dəqiqəyə qədər meydandan qovulmalıdı.
Finalda ən erkən qol vuran futbolçu rekordu yenilənəcəkmi?
Bəli: 14.50
Hazırkı rekord: AÇ-1964-də Xüsus Maria Peredanın 6-cı dəqiqədə vurduğu qol.
1964-cü ildə ikinci Avropa çempionatına ev sahibliyi edən İspaniyanın paytaxt Madriddə meydan sahibləri ilə SSRİ həlledici görüşdə üz-üzə gəliblər. İyunun 21-də baş tutan qarşılaşmanın 6-cı dəqiqəsində Xesus Maria Peredanın 6-cı dəqiqədə vurduğu qol sayəsində ispanlar hesabı açmışdılar. Bu, hələ də Avropa çempionatlarının finalında vurulan ən erkən qol ünvanına sahibdi.
Xərək daşıyanlar zədəli futbolçunu meydanın kənarına gətirərkən onu yerə düşürəcəkmi?
Bəli: 19.50
2015-ci ildə Yunanıstan çempionatında baş tutan görüşlərin birində xərək daşıyanlar daşıdıqları zədəli futbolçunun 3 dəfə yerə yıxılmasına səbəb olunca gülməli mənzərə yaranıb. Mərc şirkətləri bu üzdən AÇ-2016-də eyni hadisənin yaşanıb-yaşanmayacağı ilə bağlı əmsal qoyublar. Əgər xərək daşıyanlar hansısa görüşdə futbolçunu yerə yıxsalar, buna pul qoyuluşu edənlər qazanacaqlar.
Hansısa oyun pilotsuz helikopter üzündən dayandırılacaqmı?
Bəli: 25.00
AVRO-2016-nın seçmə mərhələsində baş tutan Serbiya – Albaniya matçının 41-ci dəqiqəsində “Drone” (pilotsuz helikopter) ilə meydana Albaniya bayrağı endirilib. Bu səbəbdən meydanda və tribunalarda qarşıdurma yaşanıb. İki futbolçunun yaralandığı hadisədən sonra oyun təxirə salınıb və dava-dalaş stadiondan kənarda da davam edib. Eyni səhnə final mərhələsində də yaşansa, mərc şirkəti buna pul qoyuluşu edən şəxsə 25 qat çox ödəniş edəcək.
Robin van Persinin “uçan holland” qolunu təkrarlayan olacaqmı?
Bəli: 10.00
“Flying Dutchman” (“uçan holland”) əfsanəsi ilə bilinən qol DÇ-2014-ün qrup mərhələsində vurulub. Belə ki, hollandların hücumçusu Robin van Persi uçaraq başla vurduğu qol sayəsində hesabı bərabərləşdirib və hollandlar İspaniyanı 5:1 hesabı ilə məğlub ediblər. RVP-nin həmin qolunun təkrarlanıb-təkrarlanmayacağı böyük maraq doğurur.
İquitanın “əqrəb vuruşu”nu təkrarlayan olacaqmı?
Bəli: 225.00
1995-ci ildə “Uembli” stadionunda İngiltərə ilə Kolumbiya yığmaları yoldaşlıq görüşündə üz-üzə gəliblər. Oyunun gedişində Kolumbiya millisinin əfsanəvi qapıçısı üzərinə gələn topu qapı xətti üzərində özünü önə doğru ataraq dabanları ilə geri qaytarıb. Bu, “əqrəb vuruşu” kimi tarixə keçib. İquitanın həmin qurtarışı təkrarlanarsa, buna pul qoyan şəxs ödədiyi məbləğin 225 qatını qazanacaq.
Diqqət çəkən digər mərclər
3 və ya daha çox penalti təyin ediləcək oyun olacaqmı?
Bəli: 14.50
Hansısa komanda 2 və ya daha çox qol buraxdıqdan sonra həmin görüşdə qələbə qazana biləcəkmi?
Bəli: 19.50
Hansısa futbolçu qol sevincini formasını çıxararaq yaşayacaqmı?
Bəli: 1.40
Hansısa futbolçu vurduğu qol sevincini kameraya vuraraq qeyd edəcəkmi?
Bəli: 2.50
Hansısa futbolçu həmkarlarından birini başla vuracaqmı?
Bəli: 4.00
Hansısa futbolçu yerli federasiya tərəfindən komandadan qovulacaqmı?
Bəli: 10.00
Hansısa futbolçu qol sevincini yaşayarkən zədələnəcəkmi?
Bəli: 45.00
Hansısa futbolçu hakimə yumruq atacaqmı?
Bəli: 14.50
Hansısa futbolçu həm öz, həm də rəqib qapısına qol vuracaqmı?
Bəli: 95.00
Hansısa futbolçu meydanın onlara aid hissəsindən qol vura biləcəkmi?
Bəli: 95.00
Hansısa futbolçu akrobatik tullanışla qol vuracaqmı?
Bəli: 8.00
Hansısa futbolçu topa ilk toxunuşundaca qol vura biləcəkmi?
Bəli: 19.50
Hansısa matçda meydana azarkeş girəcəkmi?
Bəli: 1.75
Hansısa azarkeş meydana girib hakimi vuracaqmı?
Bəli: 45.00
Hansısa oyun zamanı canlı yayım kəsiləcəkmi?
Bəli: 19.50
Hansısa komanda turnir ərzində məşqlərdən birini boykot edəcəkmi?
Bəli: 17.50
Hansısa baş məşqçi burnunu qurdalayarkən kameralara yaxalanacaqmı?
Bəli: 10.00
Hansısa baş məşqçi rəqib komandadakı həmkarının əlini sıxmağı rədd edəcəkmi?
Bəli: 45.00
Hansısa baş məşqçi tribunalara göndəriləcəkmi?
Bəli: 5.00
Sprey hakimin cibindən düşəcəkmi?
Bəli: 2.00
Hansısa futbolçu ehtiyat oyunçular skamyasında vərəqə alacaqmı?
Bəli: 2.25
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…