Ölkə futbolu
Nelson Bonilya yenə Azərbaycanı xatırladı
“Madeyra çəhərini öz ölkəm qədər sevirəm….
“Madeyra çəhərini öz ölkəm qədər sevirəm. Odu ki, yeni klubumda adaptasiya prosesi yaxşı keçir”. Futbolinfo.az xəbər verir ki, bu sözləri “Zirə”nin sabiq hücumçusu Nelson Bonilya deyib.
Mövsümlərarası fasilədə Portuqaliyanın “Nasional” klubuna transfer edilən Bonilla uyğunlaşma prosesini yaxşı keçir. Salvadorlu futbolçu xarici mətbuata açıqlamasında Azərbaycandakı karyerasını da yada salıb.
O, “Nasional”da “Zirə”dəki kimi çoxlu qol vurmaq istəyində olduğunu bildirib: “Karyeram ərzində Rumıniyada da oynamışam. Ancaq mövsümün sonunda klubla problemim yaranmışdı. Nəticədə “transfer pəncərəsi”nin bağlanmasına 1 gün qalmış satışa çıxarıldım. Bu isə “Zirə”yə keçidimə səbəb oldu. Orda yaxşı mövsüm keçirdim. Mövsümün sonunda Azərbaycan çempionatında ikinci yeri tutduq. Keçən mövsüm 17 qola imza atdım. Bunu təkrarlaya biləcəyəmmi? Birincisi, o qədər qolu kollektiv, komanda yoldaşlarım sayəsində vurdum. Əgər komanda yaxşıdısa, qələbə qazanmaq asan olur. Ümid edirəm ki, yeni klubumda da çoxlu qol vuraraq, yaxşı nəticəyə imza atmaq üçün əlimdən gələni edəcəm”.
Qeyd edək ki, Nelson Bonilya 2012-ci ildən dəvət aldığı Salvador millisində 27 oyunda 9 qola imza atıb.