"Qəbələ" üçün Fransada "Milli dəstə"k

Sabah Avropa Liqasının 3-cü təsnifat mərhələsi çərçivəsində “Qəbələ” Fransada “Lill”in qonağı olacaq. Futbolinfo.az xəbər verir ki, bu görüşdə təmsilçimiz dəstəksiz qalmayacaq.

Sözügedən qarşılaşmada “qırmızı-qaralar”ı təxminən 50 nəfər həmyerlimiz qələbəyə səsləyəcək. Bu işdə təşkilatçılığı Avropada yaşayan həmyerlilərimizdən ibarət “Milli Dəstə” fan-klubu yerinə yetirəcək. 

Saytımıza açıqlama verən azarkeş qrupunun rəhbəri Şamil Mustafayev bunları bildirib: "Milli Dəstə" olaraq “Lill” – “Qəbələ” matçı üçün azarkeşlərin cəlb olunması işinə başladıq. Azərbaycanın Fransadakı səfirliyi ilə yanaşı, bu ölkədə fəaliyyət göstərən 3 diaspor cəmiyyətinə müraciət etmişik. Səfirlik və Parisdə Azərbaycan Evi aktiv şəkildə Fransada yaşayan soydaşlarımıza tədbirə dəvət etməyə başladı. Oyuna gəlməyə razılıq verənlərin bu günə olan say 20-di, amma dəvət olunan şəxs sayı 150-di. Ona görə matç günü ümid edirik ən azı 50 nəfər azarkeşimiz olacaq. Qəbələ klubunun rəsmisinə də bu barədə məlumat verdik və səfər sektorunun təşkili, həmçinin, 50 bilet sözünü verdilər". 

Qeyd edək ki, sözügedən qarşılaşma sabah, saat 21:00-da start götürəcək.