Muarem Muarem: “Bu oyunu yaddan çıxarmaq çətin olacaq”

Çempionlar Liqasının 3-cü təsnifat mərhələsi çərçivəsində keçirilən “Qarabağ”la Çexiya “Viktoriya”sı arasındakı cavab matçından sonra ağdamlıların hücumçusu Muarem Muarem jurnalistlərin suallarını cavablandırıb 

– Bu görüş mənə 2 il öncə İtaliya “İnter”i ilə matçı xatırlatdı. Düzdü, budəfəki bir az fərqli oldu. Tariximizdə ilk dəfə Çempionlar Liqasında pley-off mərhələsinə vəsiqə qazanacaqdıq. Mərhələsni adlasaq, Avropa Liqasında minumum qrup mərhələsini təmin etmişdik. Amma biz ÇL-in qrupuna vəsiqə qazanmağı qarşımıza məqsəd qoymuşduq. Fikrimcə, bu gün yaxşı oyun sərgilədik. Rəqib əlinə düşən yeganə qol şansından yararlandı.

– Qaçırılan qol şanslarından sonra komandanızın qapısında top görəcəyini gözləyirdinmi?
– Mən də 2-ci qolu vuracağımızı gözləyirdim. Şansları itirə-itirə hesabı artıra bilmədik.

– Bu oyun sənin üçün də bir təcrübə oldumu?
– Şansları boşa verdinsə, demək ki, qol da buraxa bilərsən. Çox təəssüflənirəm. Bu oyunu yaddan çıxarmaq çətin olacaq.

– Komanda AL-in də qruplarına vəsiqə qazana bilməsə, bunu “Qarabağ” üçün faciə saymaq olarmı?
– AL-in qruplarına düşmək üçün hər şey etməliyik. Bu oyundan da yaxşısını sərgiləməyə çalışacağıq.

– Matçdan sonra Qurbanov sizə nə dedi?
– Hamını təbrik etdi, xaraktermizi ortaya qoyduğumuzu bildirdi.

– Əgər zamanı arxaya çəkmək mümkün olsaydı, turu adlamaq üçün nə edərdin?
– Bugünkü kimi oynayardıq. Sadəcə, qol şanslarını dəyərləndirməliydik. Başqa nəsə deyilməli bir şey yoxdu.

ELMAR ABDULLA-ZADƏ