Ölkə futbolu
Bakıda "əyalət döyüşü"
Bu gün keçiriləcək bir oyunla Topaz Premyer Liqasının …
Bu gün keçiriləcək bir oyunla Topaz Premyer Liqasının ilk turuna yekun vurulacaq. Açılış həftəsinin son matçı “Dalğa Arena”da baş tutacaq.
Əslində, “Qəbələ” “Kəpəz”i paytaxtda deyil, əyalətdə qonaq etməli idi. Lakin “qırmızı-qaralar”ın ev oyunlarını keçirdiyi arenada may ayından start verilən təmir işlərinin hələ başa çatmaması məkan dəyişikliyinə səbəb olub.
19:00 “Qəbələ” – “Kəpəz”
Hakimlər: FARİZ YUSİFOV, Vaqif Musayev, Nahid Əliyev, Knyaz Əmiraslanov.
Əlavə köməkçi hakimlər: Orxan Məmmədov, Rəvan Həmzəzadə.
AFFA nümayəndəsi: Elbrus Abbasov.
Hakim-inspektor: Xaqani Məmmədov.
“Dalğa Arena” (6700 yerlik).
Əyalət təmsilçilərinin son 8 görüşündə heç-heçə qeydə alınmayıb və son 6 oyundan 5-də qol vuran komanda qalib gəlib. Bu, işin statistika tərəfidi. Komandaların hazırkı durumu arasında isə ciddi fərq var. Bir yandan Avropa Liqasında fırtına qoparan “Qəbələ”, digər yanda maddi sıxıntılarla baş etməyə çalışan “Kəpəz”.
Gəncə klubu yay fasiləsində heyətində ciddi dəyişikliklər etmədi. “Qəbələ” isə Samir Zərgərov, Ruslan Abışov, Arif Daşdəmirov, Luis Hilario Dodo, Vadim Abdullayev, Pavel Paşayev, Ermin Zets, Aleksey Qay, Andrey Popoviç, Aleksey Antonov kimi futbolçuları yola salsa da, Nika Kvekveskiri, Filip Ozobiç, Teo Uiks və Baqali Dabonun timsalında səviyyəli legionerlərlə güclənib.
“Qəbələ” yalnız heyətini gücləndirməyib, həm də oyun planında çox artırıb. Təsadüfi deyil ki, əyalət təmsilçisi Avropa Liqasının III təsnifat mərhələsində “Lill” kimi klubu mübarizədən kənarlaşdırdı. Bununla “Kəpəz”i kiçiltmək, zəif göstərmək niyyətində deyilik. Sadəcə, mövcud reallıq budu. İndiki durumda “Qəbələ” aşkar favoritdi. Ancaq unutmayaq ki, ötən mövsüm avrokubokla müqayisədə, çempionatda nisbətən zəif təsir bağışlayan bir “Qəbələ” vardı.
STATİSTİKA: 12 oyun, +4=4-4, top fərqi 10-10
ÖTƏN MÖVSÜM…
Qəbələ – Kəpəz (Gəncə) 1:0
Qəbələ – Kəpəz (Gəncə) 1:2
Kəpəz (Gəncə) – Qəbələ 3:0
Kəpəz (Gəncə) – Qəbələ 0:1
OYUNDAN NOTLAR
* Matçın keçiriləcəyi “Dalğa Arena” “Kəpəz” üçün də “ev” sayılır. Hər halda, gəncəlilər bu mövsüm Avropa Liqasının təsnifat mərhələlərində Moldovanın “Daçiya” və Avstriyanın “Admira” klublarını bu stadionda qonaq ediblər.
* Hər iki komandanın heyətində cəzalı və zədəli futbolçu yoxdu.
REFERİ
Fariz Yusifov qəbələlilər üçün o qədər də düşərli baş hakim deyil. O, ötən mövsüm “qırmızı-qaralar”ın 4 oyunu idarə edib ki, bunlardan 3-də rəqib komandalar qələbə qazanıb. Bir dəfə qələbəyə sevinin “Qəbələ”yə 4, rəqiblərinə 10 “sarı” verən Yusifov bir matçda da Roman Qriqorçukun rəhbərlik etdiyi kollektivin lehinə penalti təyin edib.
Ötən mövsüm ümumilikdə 19 oyunda fit çalan Fariz bəy “Kəpəz”in 7 matçına təyinat alıb. Bunlardan 2-də qələbə qazanan gəncəlilər, 3 dueldən də məğlub ayrılıblar. Şahin Diniyevin baş məşqçisi olduğu komandaya 23 sarı və 3 qırmızı, rəqiblərinə isə 18 sarı vərəqə verən Yusifov 3 dəfə penalti nöqtəsini göstərib. Bunlardan yalnız 1-i “Kəpəz”in lehinə olub. Onun Gəncədəki son matçda "Qəbələ"yə qarşı etdiyi səhvlər hələ də yaddan çıxmayıb.
FƏRİD
- Premyer-liqa2024-04-14 20:55
“Qarabağ” “Sabah”a uduzdu
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı