Premyer-liqa
Sədr AZAL-ın haqqının tapdandığını etiraf etdi: “Səhv Diniyevin yox, Həsənovun idi”
AZAL – “Neftçi” oyunun əvvəlində meydan sahiblə…
AZAL – “Neftçi” oyunun əvvəlində meydan sahiblərinə qarşı edilən kobud səhv hələ çox danışılacaq. 16-cı dəqiqədə qonaqların qapısına vurulan “təmiz” qolun qeydə almaması mövsümün ilk səhvi idi. Hesabın nəticəsinə birbaşa təsir edən yanlış hakim qərarının nəticəsində bəlkə də AZAL ilk xallarından oldu.
Hamı həmin epizoda görə baş hakim Rəhim Həsənovdan çox qapı arxasında dayanmış köməkçi Ramil Diniyevi qınadı. Tirə dəyib xətti keçən topu məhz o görməliydi. Amma görmədi, görmək istəmədi və Həsənov da qolu hesaba almadı.
Maraqlıdı ki, AFFA Hakimlər Komitəsinin sədri Xaqani Məmmədov əksini düşünür: “Həmin epizodda Diniyevin və yan xətt hakiminin heç bir günahı yox idi. Hətta dəfələrlə videotəkrara baxanda da topun xətti tam keçdiyini görmək olmur. Düzdü, sanki topun böyük hissəsi xətti keçib, lakin qol yalnız top bütünlüklə xətti keçdikdə sayılır. Görüntülərdən isə bunu müəyyən etmək olmur”.
Deyəsən, Xaqani bəy başqa görüntüyə baxıb, ya da qapı xətti kamerası olmadığı üçün danışmaq üçün söz tapır: “Qapı xəttini göstərən kamera olsaydı, siz də buna əmin olardız. Biz oturub analiz etdik və qərara gəldik ki, top xətti tam keçməyib. Belə olmadığını sübut edən görüntü yoxdu. Bu səbəbdən də xəttdə dayanan əlavə köməkçi hakim Ramil Diniyevə inanmalıyıq. O, dirəyin dibində idi, epizodu da hamıdan yaxşı görürdü. Ona inanmalıyıq”.
Bununla belə, Xaqani bəy AZAL-ın haqqının “yeyildiyini” etiraf edir: “Səhv baş hakimin idi. Röyal Nəcəfovun zərbəsindən sonra tirə dəyib xəttə düşən top meydana qayıtdı. Bu zaman isə ona hamıdan əvvəl Nuqzar Kvirtiya çatdı və topu qapıdan keçirdi. “Neftçi”nin qapıçısı topa gec çatdığından ona qarşı hər hansı kobudluq olmamışdı və qol qeydə alınmalıydı. Rəhim Həsənov qapıçıya qarşı kobudluq qeydə almaqla səhv etdi və qolu saymadığından cəzasını alacaq”.
FƏRİD
- Ölkə futbolu2024-04-11 10:32
AFFA-nın gülməli seçimi: Uğursuz klub rəhbəri Hakimlər Komitəsinə sədr olacaq?
- Ölkə futbolu2024-04-11 14:10
AFFA-da növbəti təyinatlar olacaq: yeni baş katib və PFL prezidenti
- Ölkə futbolu2024-04-11 13:34
Lunyov “Qarabağ”ın uğurunun sirrini açdı: məşqçilər, həkimlər və…
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı